Kombela mfanelo yo jongela

Xana swi teka nkarhi wo fika kwihi

Mayelana no kombela mfanelo yo jongela

Loko u lava ku kombela mfanelo yo jongela u fanele ku yisa xikombelo hi ku nghena eka netiweke u endzela webusayiti ya Ndzawulo ya Switirhisiwa swa Swicelwa: http://portal.samradonline.co.za.

Mfanelo yo jongela i mpfumelelo lowu pfumelelaka wena kumbe khampani ya wena ku valanga kumbe ku lavisisa ndhawu ya misava ya tiko hi xikongomelo xo kuma leyi ku nga yona hakunene kumbe leyi kumbexana yi nga vaka na switshovo swa swicelwa.

Mfanelo yo jongela yi tirhiseka hi ntlhanu wa malembe, endzhaku ko heleriwa hi ntlhanu wa malembe u nga ha kombela ku pfuxeta wa mfanelo yo jongela ya nkarhi wo ka wu nga tluli malembe manharhu.

Mfanelo yo jongela yi ta nyikiwa loko ku fikeleriwa swilaveko leswi landzelaka:

na laha u nga kumaka mpfuno wa swa timali na vutshila bya vutivi byo fambisa matirhele yo jongela lama kunguhatiweke kahle
na pulani ya swa timali leyi fambisanaka na matirhele yo jongela lama kongomiweke na nkarhi wa lowu vekiweke
kota ku landzelela xileriso xa Nawu wa Rihanyo na Vuhlayiseki swa Migodi 1996 (Nawu wa 29 wa 1996).
nga tluli Nawu wa Nhluvukiso wa Switirhisiwa swa Swicelwa na Petiroliyamu, 2002 (Nawu wa 28 wa 2002).

a ku na munhu un’wana loyi a nga na mfanelo yo jongela, mfanelo yo cela migodi, mpfumelelo wo cela migodi kumbe mpfumelelo wo tshama na swicelwa swoleswo kumbe misava yoleyo
a ku na nthyakiso kumbe ku onha loku nga lavekiki loku nga ta va kona eka mbango hikwalaho ka matirhele lama yo jongela.

Leswi u faneleke ku swi endla

Endla xikombelo hi ku nghena eka netiweke.
Hakela mali leyi lavekaka, ya nkalantlheriselo ya xikombelo hi ku nghena eka netiweke
Loko sisiteme yi amukela xikombelo, u ta komberiwa ku rhumela pulani ya malawulele ya mbango no tihlanganisa na n’wini wa misava, mutshami wa misava yoleyo ku ya hi nawu kumbe mihlangano yin’wana na yin’wana leyi khumbekaka.
Rhumela mbuyelo wa vutihlanganisi hinkwabyo eka mininjhere wa xifundza ku nga se hela 30 wa masiku.
Loko swilaveko hinkwaswo swi fikeleriwile, mininjhere wa xifundza u ta rhumela xikombelo eka Holobye leswaku xi ta anakanyisisiwa.

Xana swi teka nkarhi wo fika kwihi

Loko Sisiteme ya Vulawuri bya Switirhisiwa swa Swicelwa swa Afrika-Dzonga:
- yi nga amukeli xikombelo, u ta tivisiwa hi xihatla hi ku nghena eka netiweke.
- yi amukela xikombelo, u ta tivisiwa ku nga se hela 14 wa masiku ku rhumela pulani ya malawulele ya mbango, no tihlanganisa na n’wini wa misava na mutshami wa misava yoleyo ku ya hi nawu xikan’we na mihlangano yin’wana na yin’wana leyi khumbekaka.
U fanela ku rhumela mbuyelo wa vutihlanganisi hinkwabyo eka mininjhere wa xifundza ku nga se hela 30 wa masiku.
Loko swilaveko hinkwaswo swi kala swi fikeleriwa, mininjhere wa xifundza u fanele ku rhumela xikombelo eka Holobye leswaku xi ta anakanyisisiwa.