Tlhalošo
Tsela e latelwago
Nako ya tšweletšo ya mošomo
Tefelo
Diforomo
Mafelo le diatrese
Tlhalošo
Tokelo ya go nyakišiša go ba gona ga diepša ke phemiti ye e dumelelago khamphani goba motho go dira dinyakišišo naga malebana le kgonagalo ya go epa dimenerale. Motho mang le mang yo a ratago go dira kgopelo ya mohuta wo o swanetše go romela kgopelo go ofisi ya Molaodi wa Selete moo naga ye e amegago e lego gona.
Tokelo ya go nyakišiša go ba gona ga diepša e šoma lebaka la mengwaga ye mehlano, empa ka morago ga gore nako yeo e fele, mokgopedi a ka dira kgopelo ya gore tumelelo yeo e tsošološwe gore a kgone go tšwela pele go šoma lebaka la go se fete mengwaga ye meraro.
- Tokelo ya go nyakišiša go ba gona ga diepša e tlo fiwa ge e le gore dinyakwa tše di latelago di kgotsofaditšwe:
- mokgopedi:
- o na le tšhelete le mabokgoni a go tšwela pele ka mošomo wa go epa diepša
- o leano la matlotlo le bontšha gabotse gore le tlo kgona go šoma mo lebakeng leo le beilwego
- o kgona go kgotsofatša dinyakwa tša Molao wa Maphelo le Polokego ya Meepong (Mine Health and Safety Act)
- ga a tshele Molao wa Dimerenale le Tlhabollo ya Ditlabelwa tša Petroleamo (Mineral and Petroleum Resources Development Act, 2002 (Act No. 28 of 2002).
- go ka se be le tšhilafatšo ya tikologo ye e sego ya letelwa ka lebaka la mošomo wo o tla bego o dirwa
- ga go na le motho yo mongwe yo a nago le tokelo goba phemiti ya go epa dimenerale gona moo lefelong leo le amegago.
Tsela e latelwago
- Dira kgopelo ofising ya Molaodi wa Selete wa Kgoro ya Dimenerale le Enetši mo seleteng seo lefase leo le amegago le lego gona.
- Tlatša Application for prospecting right, DME 274 (Form B: Annexure I) (Foromo ya B: Kgopelo ya tokelo ya go nyakišiša go ba gona ga diepša), gomme o romele mmogo le dilo ka moka tše di nyakegago go Molaodi wa Selete wa Kgoro ya Dimenerale le Enetši mo seleteng seo naga ye e amegago e lego gona.
- Romela foromo mmogo le tšhelete ye e beilwego gomme yona tšhelete ye e ka se bušetšwe go mong.
- Ge Molaodi wa Selete a ka dumelela kgopelo ya gago, o tlo go laela gore o fane ka lenaneo la gago la taolo ya tikologo, le gore o ikopanye le mong wa naga yeo e amegago le bao ba dulago nageng yeo ka semolao mmogo le ba bangwe bao ba ka bego ba tlo amegaga.
- Romela dipoelo tša dikopano tšeo go Molaodi wa Selete mo matšatšing a 30.
- Ge dinyakwa tše ka moka di kgotsofaditšwe, Molaodi wa Selete o tlo romela kgopelo go Tona gore le yena a e lekole.
Nako ya tšweletšo ya mošomo
- Ge Molaodi wa Selete a sa dumelele kgopelo:
- o swanetše go go tsebiša ka lengwalo mo matšatšing a 14 gomme a go bušetše kgopelo yeo
- a dumelela kgopelo, o swanetše go go tsebiša ka lengwalo mo matšatšing a 14 gore o romele leano la taolo ya tikologo le gore o ikopanye le mong wa naga le badudi ba naga yeo mmogo le ba bangwe bao ba ka bego ba amega.
- O swanetše go romela Molaodi wa Selete dipoelo tša dikopano tše o bilego le tšona mo matšatšing a 30.
- Ge dinyakwa tše ka moka di kgotsofaditšwe, Molaodi wa Selete o swanetše go romela kgopelo go Tona gore le yena a e lekole.
Diforomo
Application for prospecting right, DME 274 (Form B: Annexure I) (Kgopelo ya tokelo ya go kopola)