Kombela mpfumelelo wo cela migodi

Mayelana no kombela mpfumelelo wo cela migodi

Loko u lava ku cela migodi u fanele ku kuma mpfumelelo wo cela migodi wo huma eka Ndzawulo ya Switirhisiwa swa Swicelwa.

Mpfumelelo wo cela migodi i tsalwa leri nyiketiwaka hi Ndzawulo ya Switirhisiwa swa Swicelwa leri ku pfumelelaka ku cela migodi. Ku hava munhu loyi a pfumeleriwaka ku cela migodi ehandle ka mpfumelelo wo cela migodi. Mipfumelelo yo cela migodi a yi hundziseriwi eka un’wana.

Mpfumelelo wo cela migodi wu tirhiseka ku ringana nkarhi lowu kombisiweke eka mpfumelelo, kambe a wu nge hundzi malembe mambirhi. Hambiswiritano wu nga ha pfuxetiwa kanharhu eka mikarhi leyi nga tluriki lembe eka nkarhi wun’wana na wun’wana.

Mpfumelelo wo cela migodi wu nga nyiketiwaka loko ntsena:

• xicelwa lexi lavaka ku ceriwa xi nga ceriwa kahle hi malembe mambirhi
• xivandla lexi ku nga ta ceriwa eka xona xi nga hundzi 1.5 ha  hi vuandlalo.

Leswi u faneleke ku swi endla

1. Endla xikombelo hi ku nghena eka netiweke.
2. Hakela mali leyi lerisiweke, ya nkalantlheriselo ya xikombelo hi ku nghena eka netiweke.
3. Sisiteme yi ta amukela xikombelo loko swilaveko hinkwaswo swi fikeleriwile.
4. Loko xikombelo xi kala xi amukeriwa, mininjhere wa xifundza u ta kombela leswaku u rhumela pulani ya malawulele ya mbango no tihlanganisa na n’wini wa misava na mutshami wa misava yoleyo ku ya hi nawu ku katsa na mihlangano yin’wana na yin’wana leyi khumbekaka.
5. Rhumela mbuyelo wo tsariwa wa vutihlanganisi hinkwabyo eka mininjhere wa xifundza ku nga se hela 30 wa masiku.
6. Holobye wa Ndzawulo ya Switirhisiwa swa Swicelwa u ta humesa mpfumelelo wo cela migodi loko swilaveko hinkwaswo swi fikeleriwile.

Xana swi teka nkarhi wo fika kwihi?

Sisiteme ya Vulawuri bya Switirhisiwa swa Swicelwa swa Afrika-Dzonga yi ta ku tivisa hi xihatla loko xikombelo xa wena xi amukeriwile (leswi swi vula leswaku u fikelerile swilaveko hinkwaswo).

Xana swi durha mali muni?

Tihlanganise na Ndzawulo ya Switirhisiwa swa Swicelwa leswaku u ta tiva mixavo.

Tifomo leti tatiwaka

Swikombelo swi rhumeriwa hi ku nghena eka netiweke.

Loyi u tihlanganisaka na yena