Faka sicelo selilungelo lekwehlwaya timbiwa

Mayelana
Lokufanele kutsi ukwente
Kutsatsa sikhatsi lesingakanani
Kubita malini
Emafomu lekumele kutsi uwagcwalise
Umuntfu longamtsintsa

 

 

 

Mayelana nekufaka sicelo selilungelo  lekwehlwaya timbiwa

Nangabe ufuna kufaka sicelo selilungelo lekwehlwaya timbiwa kumele ufake sicelo  nge-inthanethi ngekuvakashela iwebhusayithi yeLitiko Letetimbiwa: http://portal.samradonline.co.za.

Lilungelo  lekwehlwaya timbiwa liyimvume levumela wena nobe inkampani yakho kutsi  yehlwaye nobe iphenye indzawo yemhlaba ngenhloso yekubona  indzawo lenguyona yona lenetimbiwa nobe lekungenteka kutsi  unetimbiwa.

Lilungelo  lekwehlwaya timbiwa litosebenta eminyakani lesihlanu, ngemuva kwekuphela  kwaleminyaka lesihlanu kumele ucele bakuvusetelele lilungelo lakho  lekwehlwaya timbiwa sikhatsi lesingandluli iminyaka lemitsatfu.

Lilungelo lekwehlwaya timbiwa utonikwa nangabe letidzingo letilandzelako tifeziwe:

  • wena:
    • unemitfombolusito yetimali nemakhono  ekwenta lomsebenti wekwehlwaya timbiwa  ngendlela lencomekako
    • unelisu lekutfola imali letohambisana nekwenta lomsebenti wekwehlwaya timbiwa lohlosiwe kanye nesikhatsi  lokutawusitsatsa
    • uhambisana neMtfetfo Wetemphilo kanye Nekuphepha Kwasemayini 1996 (Umtsetfo 29 wa-1996)
    • awuphuli Umtsetfo Wekutfutfukiswa Kwemitfombolusito Yephethroliyamu Netimbiwa, wa-2002 (Umtsetfo 28 wa-2002)
  • kute lomunye umuntfu lotoba nelilungelo  lekwehlwaya timbiwa, lilungelo lekumba timbiwa, imvume yekumba timbiwa nobe kugcina imvume  yesimbiwa nawona lowo mhlaba  bewumba kuwo
  • kute kungcola nobe umonakalo longakavumeleki lotokwenteka kusimondzawo  ngenca yekwehlwaya timbiwa.

Lokufanele kutsi ukwente

  1. Faka sicelo  nge-inthanethi.
  2. Khokhela nge-inthanethi imali lefunekako, yesicelo lengeke ibuyiselwe .
  3. Nangabe lenchubo iyasemukela sicelo sakho, utocelwa kutsi uletse luhlelo lwekuphatswa kwesimondzawo kanye nekubonana nemnikati wemhlaba, umcashi losemtsetfweni walomhlaba nobe ngabengumuphi lomunye umuntfu lotsintsekako.
  4. Hambisa umphumela wetingcoco kumphatsi wesigodzi  kungakapheli tinsuku letinge-30.
  5. Nangabe tonkhe letidzingo tifeziwe, umphatsi wesigodzi utohambisa lesicelo siye kuNdvuna ayocabangisisa ngaso.

Kutsatsa sikhatsi lesingakanani?

  • Nangabe Inchubo Yekuphatsa Umcebo Wesimbiwa sase-Ningizimu Afrika:
    • Ayisivumi lesicelo,  utowatiswa masinyane nge-inthanethi   
    • Iyasivuma lesicelo,  utowatiswa kungakapheli tinsuku leti-14 kutsi  ungenise luhlelo lwekuphatswa kwesimondzawo, kanye nekubonana nemnikati wemhlaba nemcashi losemtsetfweni walomhlaba nanoma ngabe ngumuphi lomunye umuntfu lotsintsekako.
  • Kumele ungenise umphumela lobhalwe phansi wengcoco kumphatsi wesigodzi kungakapheli tinsuku letinge-30.
  • Uma letidzingo setifeziwe, umphatsi wesigodzi kumele ahambise lesicelo siye kuNdvuna ayocabangisisa ngaso.

Kubita malini?

Intsengo incunywa ngekuya kwesimbiwa lofuna kusimba.

Emafomu lekumele kutsi uwagcwalise

Ticelo kumele tihanjiswe nge-inthanethi.

Imininingwane yekutsintsana

 

Share this page