Kha vha ite khumbelo ya pfanelo ya u ṱola

Arali vha tshi khou ṱoḓa u ita khumbelo ya pfanelo ya u ṱola vhupo ha mugodi vha tea u zwi ita nga kha inthanethe nga u dalela webusaithi ya Muhasho wa Zwiko zwa Minerala: http://portal.samradonline.co.za. 

Pfanelo ya u ṱola ndi phemithi i tendelaho vhone kana khamphani yavho uri vha sedzuluse vhupo kana mavu hu u itela u wana fhethu ho teaho ha minerala.

Pfanelo ya u ṱola i shuma lwa miṅwaha miṱanu, nga murahu ha miṅwaha miṱanu musi isa tsha shuma, vha nga ita khumbelo ya mvusuludzo ya pfanelo ya u ṱola lwa miṅwaha isa fhiri miraru.

Pfanelo ya u ṱola i ḓo ṋetshedzwa arali ho swikelelwa ṱhoḓea dzi tevhelaho:

• Arali vho kona u swikelela zwiko zwa masheleni na vhukoni ha u tshimbidza maitele a u ṱola nga nḓila yone.
• Arali vha na pulane ya ndambedzo i yelanaho na kushumele kwa u ṱola kwa tshifhinga tshenetsho.
• Arali vho kona u tevhedzela  Mulayo wa Mutakalo na tsireledzo wa 1996 (Mulayo wa vhu  29 wa 1996).
• Arali vha sa khou pfuka Mulayo wa  Mveledziso ya Zwiko zwa Minerala na Peṱiroḽiamu, wa 2002 (Mulayo wa vhu 28 wa 2002).

• Arali hu si na muṅwe muthu ane a vha na pfanelo ya u ṱola, pfanelo ya mugodi, phemithi ya mugodi kana phemithi ya minerala kana mavu ayo.
• Arali hu sa ḓo vha na tshikafhadzo ya mupo kana tshinyalelo isa ṱanganedzei zwo vhangwa nga u ṱola uho.

Zwine vha tea u ita

1. Kha vha ite khumbelo kha inthanethe.
2. Vha badele mbadelo ine ya khou ṱoḓea ya u ita khumbelo isa vhuiswi murahu nga kha inthanethe.
3. Arali sisiṱeme ya ṱanganedza khumbelo iyo, vha ḓo ḓivhadzwa uri vha ḓise mbekanyamushumo ya ndango ya mupo na uri vha ambedzane na muṋe wa mavu, na vhane vha khou dzula kha mavu ayo lwa mulayo kana vhaṅwe vha kwameaho.
4. Vha vhuise phindulo kha mulanga dzingu ya mawanwa a bvaho kha nyambedzano dzo vhaho hone hu sa athu fhela maḓuvha a 30.
5. Arali ṱhoḓea dzoṱhe dzo swikelelwa, mulanga dzingu vha ḓo isa khumbelo iyo kha Minisiṱa uri vha i ṱanganedze.

Zwi dzhia tshifhinga tshingafhani

• Arali Sisiṱeme ya Vhulangi ha Minerala ya Afurika Tshipembe:
  • ya sa ṱanganedze khumbelo, vha ḓo ḓivhadzwa nga u ṱavhanya nga kha inthanethe.
  • ya nga ṱanganedza khumbelo, vha ḓo ḓivhadzwa hu sa athu fhela maḓuvha a 14 uri vha ḓise pulane ya ndango ya mupo na uri vha ambedzane na muṋe wa mavu, na vhane vha khou dzulakha mavu ayo lwa mulayo kana vhaṅwe vha kwameaho.

• Vha tea u ṋetshedza phindulo yo tou ṅwalwaho kha mulanga dzingu ya mawanwa a bvaho kha nyambedzano dzo vhaho hone hu sa athu fhela maḓuvha a 30.

• Arali ṱhoḓea dzoṱhe dzo swikelelwa, mulanga dzingu vha ḓo isa khumbelo iyo kha Minisiṱa uri vha i ṱanganedze.

Ndi vhugai

Mutengo u ḓo langulwa nga lushaka lwa minerala ine vha khou ṱoḓa u bya.

Fomo dzine dza tea u ḓadziwa

Khumbelo dzi tea u iswa nga kha inthanethe

Vha kwama nnyi