Yenza isibawo selungelo lokuphumbutha izenjiwa

Malungana Nokwenza Isibawo Selungelo Lokuphumbutha Izenjiwa

Ilungelo lokuzuma amaminerali ngokwemba yimvumo evumela umuntu namkha ikampani ukuphenya namkha ukufunisisa indawo ngomnqopho wokufumana indawo engaba namaminerali namkha ibuthelelo lawo. Omunye nomunye umuntu ofisa ukwenza isibawo selungelo lokuzuma amaminerali ngokwemba kufanele enze isibawo e-ofisini lendawo loMphathi wesiFunda okutholakala ngaphasi kwakhe inarha (http://portal.samradonline.co.za).

Ilungelo lokuzuma amaminerali ngokwemba lisebenza iminyaka emihlanu kodwana ngemva kwelanga lokuphela umbawi angabawa ukuvuselelwa kwalo isikhathi esingadluli iminyaka emithathu.

• Ilungelo lokuzuma amaminerali ngokwemba lizakunikelwa nayikuthi iimfuneko ezilandelako kuhlangabezwana nazo:
• umbawi:
  • unemali nelwazi lokwenza umsebenzi wokuzuma okuhlongozwako kuhle
  • uneqhinga lokusekela ngeemali likhambelana nomsebenzi wokuzuma begodu lizakuthatha isikhathi somsebenzi
  • ukhona ukukhambisana ne-Mine Health and Safety Act (nomThetho wezamaPhilo nokuPhepha kweeMayini)
  • akaphuli Mineral and Petroleum Resources Development Act, 2002 (Act No. 28 of 2002) (umThetho wokuThuthukiswa kwemiThombo yamaMinerali nePhethroliyamu).

• akunakusilaphazeka kwebhoduluko namkha umonakalo okungamukelekiko okuzakwenzeka ngebanga lomsebenzi wokuzuma
• akunamuntu omunye onelungelo lokuzuma amaminerali ngokwemba, ilungelo lokumayina namkha imvumo yokugcinwa kweminerali nenarha efanako.

Okufanele ukwenze

1. Faka isibawo nge-inthanethi.
2. Bhadela imali  yesibawo engabuyiswako  nalokha ufake isibawo nge-inthanethi.  
3. Nayibe irherho lomtjhiningqondo liyasamukela isibawo sakho, bazakukhombela bona uthumele ihlelo lakho lokulonda ibhoduluko bewukhulumisane nomnininarha, nomuntu ohlezi enarheni leyo ngokusemthethweni namkha nanyana ngubani omunye ekufanele ubonisane naye othintekako endabeni le.                                                        
4.  Thumela umphumela wokukhulumisana nalabo ebewukhulumisana nabo kumphathi wesiphande kungakapheli ama-30 wamalanga 
5. Nasele zoke iimfuneko sezifikelelwe, umphathi wesiphande uzakudlulisela isibawo sakho kuNgqongqotjhe kobanyana ayosihlola.                          

Kuthatha Isikhathi Esingangani

• Nayibe iRherho lokuLawulwa kwezeNjiwa leSewula Afrika:                                                      
  
  • alisivumi isibawo sakho, uzakwaziswa khonokho ngomlayezo wekhomphyutha.      
  • liyasivuma isibawo sakho, uzakwaziswa kungakapheli amalanga ali-14 kobanyana uthumele ihlelo lokulonda ibhoduluko, ubonisane nomnikazi wenarha nomuntu ohlezi enarheni leyo ngokusemthethweni namkha nanyana ngubani omunye ekufanele ubonisane naye othintekako endabeni le.                                                             
•  Kufanele utlolele umphathi wesiphande umphumela wemikhulumiswano yakho umthumele wona kungakapheli ama-30 wamalanga.                                                       
•   Nasele zoke iimfuneko sezifikelelwe, umphathi wesiphande uzakudlulisela isibawo sakho kuNgqongqotjhe kobanyana ayosihlola.       

Kubiza malini

Iindleko zizakulawulwa mhlobo wesenjiwa ofuna ukusemba.                                                                                                                   

Amaforomo ekufanele  uwazalise

Iimbawo kufanele zithunyelwe nge-inthanethi.

Ungathintana nobani