IKomiti eKhethekileyo yezoRhwebo noShishino, uPhuhliso lwezoQoqosho, uPhuhliso lwamaShishini amaNcinci, uKhenketho, iNgqesho naBasebenzi imema abachaphazelekayo kunye nabo banomdla ukuba bangenise iziphakamiso ezibhaliweyo malunga noMthetho-siHlomelo oYilwayo weSizwe wamaShishini amaNcinci [B16B – 2023] (icandelo 76).
UMthetho-siHlomelo oYilwayo weSizwe wamaShishini amaNcinci [B16B – 2023] (icandelo 76) ufuna:
• Ukuhlomela uMthetho wamaShishini amaNcinci weSizwe, wowama-1996, ukuze kuhlonyelwe, kicinywe, kufakelwe kwaye kufakwe endaweni yeenkcazo ezithile;
• Ukubonelela ngengxelo yeQumrhu labaCebisi;
• Ukubonelela ngokusekwa kwe-Arhente yezeMali yoPhuhliso lwamaShishini amaNcinci;
• Ukubonelela ngemisebenzi ye-Arhente; ukuqinisekisa ukubonelelwa kwenkonzo zenkxaso zemali nezozingezizo ezemali kumashishini amancinci;
• Ukukhuthaza uphuhliso lwebhanki yentsebenziswano ezinzileyo nenoxanduva;
Ukubonelela ngokusekwa kwe-Ofisi yeNkonzo kaNozikhalazo wamaShishini amaNcinci;
• Ukuvumela imeko yorhwebo enobulungisa kumashishini amancinci ngokubonelela ngofikelelo olufikelelekayo nolusebenzayo kubulungisa;
• Ukuxhobisa uMphathiswa ukuba abhengeze izenzo ezithile ngokunxulumene namashishini amancinci ukuba athintelwe njengezenzo zorhwebo olungenabulungisa;
• Ukubonelela ngamalungiselelo ayimfuneko ngokusekwa kwe-Arhente;
• Isiphumo sezilungiso eziyimfuneko okanye ezifanelekileyo kuMthetho weNtsebenziswano weBhanki wowama-2007, kunye noMthetho weNtsebenziswano wowama-2005; kunye
• Nokunika ingcaciso ngemiba enxulumene noko.
Abantu abanomdla kunye namahlakani afuna ukuhlomla bayacelwa ukuba bathumele iziphakamiso ezibhaliweyo kwiKomiti phambi kwentsimbi ye-12:00 emva kwemini, ngoLwesihlanu, umhla we-16 kweyoMdumba 2024. Abo bafuni ukungenisa iziphakamiso kwiindibano zoluntu zovakaliso-zimvo kufuneka bafake isicelo esicacisayo, kodwa bazi ukuba isigqibo sokunika abantu elo thuba sixhomekeke kwiKomiti.
Iikopi zalo Mthetho uYilwayo ziyafumaneka ku: www.parliament.gov.za
Zonke izinto ezibhaliweyo mazithunyelwe kuMnu Rayi, uSihlalo: weKomiti eKhethekileyo yeSebe lezoRhwebo noShishino, uPhuhliso lwezoQoqosho, uPhuhliso lwamaShishini amaNcinci, uKhenketho, iNgqesho naBasebenzi. Iziphakamiso kufuneka zithunyelwe kwezi dilesi ze-imeyile zilandelayo: mkoff@parliament.gov.za
kunye ndinizulu@parliament.gov.za.
Imibuzo mayithunyelwe kuNkzs M Koff kwa-083 709 8527, okanye nge-imeyile ku: mkoff@parliament.gov.za okanye uNksz N Dinizulu kwa-083 709 8393 okanye nge-imeyile-ndinizulu@parliament.gov.za.
Sikhutshwe nguMnu M Rayi, uSihlalo: weKomiti eKhethekileyo yezoRhwebo noShishino, uPhuhliso lwezoQoqosho, uPhuhliso lwamaShishini amaNcinci, uKhenketho, iNgqesho naBasebenzi.
