Komitikgetho ya Kgwebisano le Intaseteri, Tlhabololo ya Ikonomi, Tlhabololo ya Dikgwebopotlana, Bojanala, Thapo le Bodiri e laletsa baamegi le makoko a a nang le kgatlhego go romela ditlhagiso ka ga Mametlelelo ya Molaotlhomo wa Bosetšhaba wa Dikgwebopotlana [B16B – 2023] (kar 76).
Mametlelelo ya Molaotlhomo wa Bosetšhaba wa Dikgwebopotlana [B16B – 2023] (kar 76) o batla go:
• Mametlelelo ya Molao wa Bosetšhaba wa Dikgwebopotlana, 1996, gore o tle o mametlelele, phimole le go emisetsa ditlhaloso tse di rileng;
• Tlamela ka pegelo ya Setheo sa Kgakololo;
• Tlamela ka go tlhomiwa ga Setheo sa Matlole sa Tlhabololo ya Dikgwebopotlana;
• Tlamela ka ditiro tsa Setheo; go netefatsa tlamelo ya ditirelo tsa tshegetso ya matlole le eo eseng ya matloe go dikgwebopotlana;
• Rotloetsa tlhabololo ya tsweletso le maikarabelo go go banka ga dikoporasi;
Rulaganyetsa go tlhomiwa ga Ofisi ya Tirelo ya Ombase wa Dikgwebopotlana;
• Go dira gore go nne le tikologo e e lekalekanang ya kgwebisano mo dikgwebopotlaneng ka go tlamela ka phitlhelelo e e tlhotlhwatlase le e e nonofileng ya bosiamisi;
• Go naya Tona maatla a go bolela gore mekgwa mengwe e e amanang le dikgwebopotlana e ileditswe jaaka mekgwa e e sa siamang ya kgwebisano;
• Go rulaganyetsa dithulaganyo tsa phetogo tse di tlhokegang ka ntlha ya go tlhomiwa ga Setheo ;
• Dira diphetogo tse di botlhokwa kgotsa tse di tlhokegang mo Molaong wa Dibanka tsa Dikoporasi, 2007, le Molao wa Dikoporasi, 2005, le
• Tlamela ka dintlha tse di golaganang le ona.
Bang ba ba nang le kgatlhego le baamegi ba ba eletsang go tshwaela ba kopiwa ka boikokobetso go romela ditlhagiso tse di kwadilweng go Komiti pele ga 12:00 pm ka Labotlhano, 16 Tlhakole 2024. Bao ba batlang go dira ditshwaelo kwa ditheetsong tsa setšhaba ba tshwanetse go kopa seno ka tlhamalalo, fela go tshwanetse ga elwa tlhoko gore go rebolwa ga dikopo tse di jalo tsa ditshwaelo tsa molomo ke boikarabelo jwa Komiti.
Dikhophi tsa Melaotlhomo di gona mo go www.parliament.gov.za
Ditlhaeletsano tsotlhe di tshwanetse go romelwa go Rre M Rayi, Modulasetilo: KK ya Kgwebisano le Intaseteri, Tlhabololo ya Ikonomi, Tlhabololo ya Dikgwebopotlana, Bojanala, Thapo le Bodiri. Ditlhagiso di tshwanetse go romelwa go diaterese tsa imeile tse di latelang: mkoff@parliament.gov.za le ndinizulu@parliament.gov.za.
Diotso di ka romelwa go Moh M Koff mo go 083 709 8527, kgotsa ka imeile: mkoff@parliament.gov.za kgotsa Moh N Dinizulu mo go 083 709 8393 kgotsa ka imeile mo go ndinizulu@parliament.gov.za.
E rebotswe ke: Rre M Rayi, Modulasetilo: Komitikgetho ya Kgwebisano le Intaseteri, Tlhabololo ya ikonomi, Tlhabololo ya Kgweboptlana, Bojanala, Thapo le Bodiri
