Ikomidi eKhethekileko yeNdlu yomKhandlu weNarha oNgamele iimFunda yezokuRhweba namBubulo, ukuThuthukisa uMnotho, ukuThuthukisa amaBhizinisi amaNcani zokuVakatjha, zemiSebenzi nokuQatjha imema iinHlangano ezibasebenzisani nabantu abanerhuluphelo ukuthumela imitlolo yeemphakamiso nemibono mayelana nesiKhibelelo somThethomlingwa weNarha omayelana namaBhizinisi amanCani [i-B 16—2023] (isig. 76).
IsiKhibelelo somThethomlingwa weNarha omayelana namaBhizinisi amanCani [i-B 16—2023] (isig. 76) sinqophe:
• Ukukhibelela umThetho omayelana namabhizinisi amanCani, womNyaka we 1996, ukwenzela ukukhibelela, ukucima, ukufaka nokujamiselela ezinye iinhlathululo;
• Ukwenzela ukufumana iindlela zokubika kweBhodi yokweLuleka;
• Ukwenzela ukujamisa kusungulwe i-Ejensi yezemali yokuThuthukisa amaBhizinisi amanCani;
• Ukwenzela ukubeka imisebenzi ye-Ejensi;
• Ukuqiniseka ngokunikela ngesekelo lemali nesekelo elingasilo lemali kumabhizinisi amancani;
• Ukuqinisa ukuthuthukisa ukunzinza nokuba nokuphendula mayelana neBhanga yokuhlanganisela ethembekileko;
• Ukwenzela ukujanyiswa kuhlonywe kwe-Ofisi lemiSebenzi yokuPhenya iinLilo zabAntu emayelana yamaBhizinisi amancani;
• Ukwenzela ukukhuthaza ibhoduluko lokurhweba ngokulingana ukwenzela amabhizinisi amancani ngokunikela ngokufikelela isizo;
• Ukunikela uNgqongqotjhe ukubeka tjhatjhalazi eminye imisebenzi emayelana namabhizinisi amancani ukuthi akasiwo asemthethweni nekungenziwa ngokurhweba ngokungakafaneli;
• Ukwenzela ukuletha amatjhuguluko azokuvumela ukujamyiswa kuhlonywe i-Ejensi;
• Ukufaka iinKhibelela kumThetho weBhanga yokuBhanga ngokuHlanganyela, womnYaka ween-2007, nomThetho weenHlangano eziRhweba ngokuHlanganyela, womnyaka ween-2005; nokwenzela
• Ukutjheja kuqalwe ezinye iindaba ezikhambisana nalokhu.
Abantu abanerhuluphelo neenhlangano ezinerhuluphelo nabafisa ukuthumela iimphawulo nemibono bangathumela imitlolo yeemphawulo nemibono kuNobhala wekomidi kungakabethi kwadlula i-iri le-12:00 ngeLesihlanu, mhlana amalanga ali-16 kuMhlolanja 2024. Abanesifiso sokuzikhulemela lokha kulalelwa umphakathi bangenza isibawo sokuzikhulumela bunqopha ekomidini kodwana kumele bazi bona ukunikelwa ithuba lesibawo salokho kugunyazwa kunikelwe yikomidi.
AmaKhophi wesiKhibelelo somThethomlingwa ayafumaneka kubunzinzolwazi obuthi -www.parliament.gov.za
Yoke imitlolo ethintana nalesi isimemo ingathunyelwa kuNom. M Rayi, uSihlalo weKomidi yezokuRhweba namBubulo, ukuThuthukisa umNotho, ukuThuthukisa amaBhizinisi amaNcani, zokuVakatjha, zemiSebenzi nokuQatjha. Imitlolo kumele ithunyelwe nge-imeyili iqaliswe: ku-mkoff@parliament.gov.za namkha ku- ndinizulu@parliament.gov.za.
Imibuzo ingaqaliswa kuMma. M Koff ku-083 709 8527, namkha nge-imeyili ku: mkoff@parliament.gov.za namkha uMma. N Dinizulu ku-083 709 8393 namkha nge-imeyili ethi ndinizulu@parliament.gov.za.
Isimemo sikhutjhwe nguNom. M Rayi, uSihlalo weKomidi : Ikomidi eKhethekileko yeNdlu yomKhandlu weNarha oNgamele iimFunda yezokuRhweba namBubulo, ukuThuthukisa uMnotho, ukuThuthukisa amaBhizinisi amaNcani zokuVakatjha zemiSebenzi nokuQatjha
