Likomidi Lemkhandlu Wavelonkhe Wetifundza Letehweba Netimboni, Tekutfutfukisa Umnotfo, Tekutfutfukisa Emabhizinisi Lamancane, Tekuvakasha Netekucasha Nebasebenti limema labatsintsekako nemacembu lanenshisekelo kutsi angenise tetfulo letibhalwe phasi letimayelana neMtsetfosivivinyo Wavelonkhe Wekuchibela Temabhizinisi Lamancane [B16B – 2023] (sigaba se-76).
Umtsetfosivivinyo Wavelonkhe Wekuchibela Temabhizinisi Lamancane [B16B – 2023] (sigaba se-76) uhlose:
• Kuchibela Umtsetfo Wavelonkhe Wetemabhizinisi Lamancane, wanga-1996, kute kuchitjelwe, kususwe, kufakwe futsi letinye tinchazelo esikhundleni saletinye;
• Kwenta kutsi kube nembiko weBhodi Yekweluleka;
• Kwenta kutsi kusungulwe I-ejensi Yetetimali Yekutfutfukisa Emabhizinisi Lamancane;
• Kwenta kutsi kube nemisebenti ye-Ejensi; kute kucinisekiswe kutsi kuba nekuniketwa kwetinsita tetetimali naletingasito tetetimali kumabhizinisi lamancane;
• Kugcugcutela kukutfutfukisa kubhanga ngekubambisana lokusimeme nalokunetibopho;
• Kwenta kutsi kusungulwe Lihhovisi Lemphenyitikhalo Temabhizinisi Lamancane;
• Kwenta kutsi kube nesimondzawo sekuhweba lokulingene semabhizinisi lamancane ngekusebentisa kutsi kube nekuvinyelela ngemphumelelo nangendlela lengabiti kutebulungiswa;
• Kunika Indvuna emandla ekumemetela letinye tintfo letentiwako kumabhiizinisi lamancane kutsi tingavunyelwa futsi titsatseke njengetindlela tekuhweba letitsatsa luhlangotsi;
• Kwenta kutsi kube netinhlelembiso tetingucuko ngenca yekusungulwa kwe-Ejensi;
• Kwenta kutsi kube netichibelo ngenca yemiphumela nome ngekwetidzingo tetichibelo kuMtsetfo weMabhange eKoporasi, wanga-2007, kanye neMtsetfo Wetemakoporasi, wanga-2005; kanye
• Netindzaba letiphatselene naloko.
Bantfu labanenshisekelo nalabatsintsekako labafisa kuphawula bayacelwa kutsi bangenise tetfulo letibhalwe phasi eKomidini kungakashayi insimbi ye-12:00 ngaLesihlanu, mhla ti-16 Indlovulencane 2024. Labo labafuna kwenta tetfulo emhlanganweni wekulalelwa kwleuvo lwemmango kufanele kutsi bakucele loko, kodvwa akwatiwe kutsi emandla ekunikwa kwaleto ticelo tetetfulo temlomo asetandleni teLikomidi.
Emakhophi aloMtsetfosivivinyo ayatfolakala ku: www.parliament.gov.za
Tonkhe timbalelwano kufanele kutsi tikhelwe ticondziswe kuMnu. M Rayi, Sihlalo: weLikomidi Lemkhandlu Wavelonkhe Wetifundza Letekuhweba Netimboni, Tekutfutfukisa Umnotfo, Tekutfutfukisa Emabhizinisi Lamancane, Tekuvakasha, Nekucasha Nebasebenti. Tetfulo kufanele kutsi ticondziswe kulamakheli encwadzigezi lalandzelako: mkoff@parliament.gov.za kanye naku: ndinizulu@parliament.gov.za.
Imibuto ingacondziswa kuMk. M Koff kulenombolo: 083 709 8527, nome itfunyelwe ngamakhalekhikhini ku: mkoff@parliament.gov.za nome kuMk. N Dinizulu kulenombolo: 083 709 8393 nome ngencwadzigezi ku: ndinizulu@parliament.gov.za.
Lesikhangisi sikhishwe nguMhlonishwa: Mnu. M Rayi, Sihlalo: weLikomidi Lelibandla Lavelonkhe Letifundza Letekuhweba Netimboni, Tekutfutfukisa Umnotfo, Tekutfutfukisa Emabhizinisi Lamancane, Tekuvakasha, Tekucasha Nebasebenti.
