Komiti ya NCOP nga ha Mbambadzo na Nḓowetshumo, Mveledziso ya Ikonomi, Mveledziso ya Mabindu Maṱuku, Vhuendelamashango, U thola na Mishumo i ramba vhathu vha kwameaho na vha zwi takalelaho u rumela mahumbulwa o tou ṅwaliwaho nga Mulayotibe wa Khwiniso ya Mabindu Maṱuku a Lushaka [B16B – 2023] (sec 76).
Mulayotibe wa Khwiniso ya Mabindu Maṱuku a Lushaka [B16B – 2023] (khet ya 76) u ṱoḓa u:
• Khwinisa Mulayo wa Mabindu Maṱuku a Lushaka wa 1996, u itela u khwinisa, u phumula, u dzhenisa na u bvisa dziṅwe ṱhalutshedzo;
• U itela muvhigo wa Tshiimiswa Tshieletshedzi;
• U itela u thomiwa ha Zhendedzi ḽa Masheleni a Mveledziso ya Mabindu Maṱuku;
• U itela mishumo ya Zhendedzi; u vhona uri hu na mbetshelo ya tshumelo dza thikhedzo ya masheleni na i si ya masheleni kha mabindu maṱuku;
• U alusa mveledziso ya u bannga ha zwa koporasi hu dzulaho hu hone vhu re na vhuḓifhinduleli;
• U itela u thomiwa ha Ofisi ya Tshumelo ya Ombudi wa Mabindu Maṱuku;
• U konisa vhupo ha vhuvhambadzi ha ndinganelo ha mabindu maṱuku nga u ṋetshedza tswikelo i sa ḓuriho na u bveledza kha vhulamukanyi;
• U ṋea maanḓa Minista ha u bula maṅwe maitele a elanaho na mabindu maṱuku u ri a vhe o iledzwaho sa maitele a vhuvhambadzi vhu si havhuḓi;
• U itela nzudzanyo dza tshanduko dzo itiswaho nga u thomiwa ha Zhendedzi;
• U dzhenisa khwiniso dza ndeme kana dzo teaho kha Mulayo wa Bannga dza Koporasi wa 2007, na Mulayo wa Koporasi wa 2005; na
• U itela mafhungo a ṱumanaho na zwenezwi.
Vhathu vha zwi takalelaho na vha kwameaho vha tamaho u ṋea mahumbulwa vha humbelwa u rumela makumedzwa o tou ṅaliwaho kha Komiti hu sa athu fhira awara ya 12:00 pm nga Ḽavhuṱanu ḽa 16 Luhuhi 2024. Avho vhane vha ṱoḓa u ita makumedzwa kha vhupfiwa nga vhathu vha fanela u ita khumbelo iyi, fhedzi zwi fanela u dzhielwa nzhele uri u tendelwa ha khumbelo yo raliho ya makumedzwa nga u tou amba zwi bva kha Komiti.
Khophi dza Mulayotibe dzi wanala kha www.parliament.gov.za
Maṅwalo oṱhe a fanela u rumelwa kha Vho M Rayi, Mudzulatshidulo: Komiti ya NCOP nga ha Mbambadzo na Nḓowetshumo, Mveledziso ya Ikonomi, Mveledziso ya Mabindu Maṱuku, Vhuendelamashango, U thola na Mishumo. Makumedzwa a fanela u livhiswa kha ḓiresi dza imeiḽi dzi tevhelaho: mkoff@parliament.gov.za na ndinizulu@parliament.gov.za.
Mbudziso dzi nga livhiswa kha Vho M Koff kha 083 709 8527, kana nga imeiḽi: mkoff@parliament.gov.za kana Vho N Dinizulu kha 083 709 8393 kana nga imeiḽi ndinizulu@parliament.gov.za.
Yo bviswa nga: Vho M Rayi, Mudzulatshidulo: Komiti ya NCOP nga ha Mbambadzo na Nḓowetshumo, Mveledziso ya Ikonomi, Mveledziso ya Mabindu Maṱuku, Vhuendelamashango, U thola na Mishumo
