A. IziGqibo zeKhabhinethi
1. UHlahlo Lwabiwo-mali lowama-2025-2026
1.1. Kuye kwabizwa iNtlanganiso eKhethekileyo yeKhabhinethi ngoMvulo, umhla wesi-3 kweyoKwindla 2025 ukuze kuqwalaselwe izimvo zamalungu eKhabhinethi malunga nendlela enokukhethwa kuhanjwe ngayo, phantsi kwezi meko, ukuqokelela imali yoHlahlo Lwabiwo-mali lonyaka-mali wama-2025/26 kunye nesigaba esiphakathi. Le ibilandela enye intlanganiso ekhethekileyo yeKhabhinethi yangoMvulo, umhla wama-24 kweyoMdumba, eyathi yavumela ukuba kubanjwe iingxoxo gabalala malunga neengxaki zezimali zeli lizwe kunye nemfuneko yokuba kuqaliswe ukuphunyezwa kwezinto ezikhokeliswe phambili ngulo Mbuso wesi-7, uthathe intambo ngowama-2024 phantsi koRhulumente woBumbano kaZwelonke (i-GNU). Kula ntlanganiso yomhla wama-24 kweyoMdumba 2025, uMongameli Cyril Ramaphosa waseka iqela labaPhathiswa elikhokelwa nguSekela-Mongameli ukuba lisebenze noMphathiswa weziMali kunye ne-ofisi yakhe kaNondyebo weSizwe badibanise zonke izimvo zamalungu eKhabhinethi zize ziphinde zilungiselelwe ukuqwalaselwa kwakhona.
1.2. Eli qela likhokelwa nguSekela-Mongameli uMashatile futhi lixhaswa nguNondyebo weSizwe lithe thaca izinto ezininzi ezithe zaqwalaselwa yiKhabhinethi. Ngelokulandela icandelo 27 loMthetho woLawulo lweMali kaRhulumente (u-1 wowe-1999), iKhabhinethi igunyaze uMphathiswa wezeMali ukuba akhethe kwezi zinto zixoxiweyo aze aqokelele uHlahlo Lwabiwo-mali ngendlela eza kuthathela ingqalelo:
(a) Iingxaki zezimali zesizwe
(b) Ukukhusela abantu abangathathi ntweni kunye namakhaya amkela imivuzo ephakathi ukuba bangabetheki kakhulu; kunye,
(c) nemiba eza kuxhasa uhlumo loqoqosho.
Emva kokuba iqoshelisiwe inkqubo yokugwadlwa kwezimvo eziligalelo kwinkqubo yokubala uHlahlo Lwabiwo-mali zamalungu eKhabhinethi, ngoku uMphathiswa wezeMali kunye noNondyebo weSizwe baza kuluqukumbela uhlahlo lwabiwo-mali balwandlale ePalamente ngoLwesithathu, umhla we-12 kweyoKwindla 2025.
Imibuzo:
Mnu Sathasivan (Terry) Vandayar – IsiThethi seKhabhinethi esiliBambela
Iselula: 082 444 9092
