A. Swiboho swa Khabinete
1. Mpimanyeto wa 2025-2026
1.1. Nhlengeletano yo Hlawuleka ya Khabinete yi rhambiwile hi Musumbhunuku, 03 Nyenyankulu 2025 ku languta swibumabumelo hi swirho swa Khabinete eka tindlela letinene leti kotekaka, ehansi ka swiyimo, ku seketela hi timali Mpimanyeto wa lembe ximali ra 2025/26 na nkarhi wa le xikarhi. Leswi swi landzela nhlengeletano yin’wana yo hlawuleka ya Khabinete hi Musumbhunuku, 24 Nyenyenyana 2025, leyi pfumeleleke mivulavurisano yo anama eka swipimelo swa timali swa tiko na xilaveko xa ku tirhisiwa hi xihatla ka swikongomelo swinharhu swa nkoka swa vufambisi bya vu7 ehansi ka Mfumo wa Vun’we bya Rixaka. Eka nhlengeletano ya ti24 Nyenyenyana 2025, Phuresidente Cyril Ramaphosa u simekile ntlawa wa Vaholobye lowu a wu rhangela hi Xandla xa Phuresidente Paul Mashatile ku tirha na Holobye wa Timali na ntlawa wa yena wa Nkwama ta Timali ta Rixaka ku hlanganisa swibumabumelo swa Khabinete ku ya emahlweni swi langutisisiwa.
1.2. Xipano lexi a xi rhangela hi Xandla xa Phuresidente Mashatile naswona xi seketeriwa hi Nkwama wa Timali wa Rixaka xi andlarile tindlela to hambana leti nga langutiwa hi Khabinete. Hi ku landzelela swiletelo swa xiyenge xa 27 xa Nawu wa Vulawuri bya Timali ta Mfumo (wa 1 wa 1999), Khabinete yi lerisile Holobye wa Timali ku hlawula eka tindlela leti ku buriweke ha tona na ku seketela Mpimanyeto hi timali hi ndlela leyi tekelaka enhlokweni:
(a) Swipimelo swa timali swa tiko;
(b) Ku hunguta ku khumbeka eka mindyangu leyi pfumalaka na leyi holaka mali ya le xikarhi; na,
(c) Ku seketela ku kula ka ikhonomi.
1.3 Hi ku hela ka phurosese ya swibumabumelo swa Khabinete eka Mpimanyeto, Holobye wa Timali na Nkwama wa Timali ta Rixaka sweswi va vekiwile ku hetisisa mpimanyeto na ku wu andlala emahlweni ka palamende hi Ravunharhu,12 Nyenyankulu 2025.
Swivutiso:
Tat Sathasivan (Terry) Vandayar – Muvulavuleri wa Mfumo wo Khomela
Riqingho: 082 444 9092
