Tsarisa xikepe xo njovela tinhlampfi

Hi
Leswi u faneleke ku swi endla
Leswi u faneleke ku swi endla
Xana swi durha mali muni
Tifomo leti tatiwaka
Vuxokoxoko bya vutihlanganisi

 

 

Hi mayelana na ku tsarisela xikepe xo njovela tinhlampfi

Ku fambisa xikepe xo njovela tinhlampfi eAfrika-Dzonga, u fanele u yisa xikepe eka South African Maritime Safety Authority (samsa) ku kambela xikepe ku va xi lulamerile ku va elwandle. Samsa yi ta endla endlelo ra nhlahluvo na ku ku nyika xitifikheti xa vuhlayiseki.

Loko se u ri na xitifikheti, u fanele u endla xikombelo eka Department of Agriculture, Forestry, and Fisheries eDorobeni ra Kapa ku kuma layisense ya papila ro njovela tinhlampfi.

Xikepe xo njovela tinhlampfi i xikwekwetsu kumbe xikepe lexi nga na kumbe xi tirhiseriwaka:

  • vufambisi
  • ku hlengeleta, na
  • ku tirhisa switirhisiwa swa lwandle leswi hanyaka kumbe hi ku seketela migingiriko leyi yelanaka.

Leswi swi katsa xikepe xihi na xihi lexi seketelaka kumbe xi pfunaka xikepe xin'we kumbe swo tala elwandle eku tirheni ka nghingiriko wihi na wihi lowu pfumeleriweke hi mayelana na ku njovela tinhlampfi ku katsa na, kambe ku nga siyiwi ehandle malulamiselo, mphakelo, vuhlayiselo, ku gwitsirisa, ku tleketla, kumbe ku phurosesa.

U fanele ku va u ri na mfanelo na phemiti yo njovela tinhlampfi ku endla migingiriko yo njovela tinhlampfi. Ku hava xikepe xo njovela tinhlampfi lexi nga ta tsarisiwa handle ka fishing right na phemiti yo njovela tinhlampfi ku endla migingiriko yo njovela tinhlampfi.

Leswi u faneleke ku swi endla

  1. Lulamisela ku va xikepe xi ya eka endlelo ra nhlahluvo wo va xi lulamerile ku va elwandle hi kuya hiSamsa.
  2. Kuma Xikombelo xa papila ro njovela tinhlampfi laha kaya, eka lwandle leri nga lawuriwiki hi tiko ro karhi na le matikweni mambe eka Senthara ya Vukorhokeri ya Ndzawulo ya Vurimi, Swihlahla na swa Tinhlampfi eKapa eka Xithezi xa le Hansi, Muako wa Foretrust, Martin Hammerschlag Way, Foreshore.
  3. Tatisa fomo hi ku pirinta u tirhisa maletere lamakulu ntsena
  4. Khomanisa:
    • Laha kaya
      • Fomo ya xikombelo leyi tatisiweke
      • Xitifikheti xa Samsa lexi nga le nawini
      • Xitifikheti xa ICCASA, loko swi fanerile
      • Loko ku ri leswaku u n'winyi lontshwa wa xikepe, tikhopi leti tiyisisiweke ta matsalwa ya ntsariso wa khamphani kumbe pasa
    • Lwandle leri nga lawuriwiki hi tiko ro karhi
      • Swo fana tanihi swa laha kaya, kambe Xitifikheti xa Samsa xi fanele xi kombisa leswaku xikepe xi nga ha njovela tinhlampfi eka lwandle leri nga lawuriwiki hi tiko ro karhi
    • Matiko mambe
      • vito na vuxokoxoko bya n'winyi wa xikepe (ku katsa na mikavelo ya vun'winyi)
      • vulehi bya xikepe
      • matimba na vundzeni bya xikepe
      • tiko leri xikepe xi tsarisiweke eka rona sweswi (loko xi lombisiwile kumbe xi ri na vun'winyi bya nhlanganelo na vaakatiko vo ka va nga ri va Afrika-Dzonga)
      • nkarhi na sekithara ya ku njovela tinhlampfi laha xikepe xi nga ta rhumeriwa kona
      • xitifikheti xa ntsariso kusuka eka tiko.
  5. Hakela hakelo leyi tsariweke hi ku ya hi vulehi bya xikepe eka akhawunti leyi landzelaka:
    Bangi: First National Bank
    Nomboro ya akhawunti: 62123256382
    Muxaka wa Akhawunti: Current
    Vito ra Akhawunti: Marine Living Resources Fund
    Vito ra Rhavi: Corporate Account Services Cape Town
    Khodi ya Rhavi: 204-109
  6. Fonela senthara ya vukorhokeri bya vatirhisi eka riqingho ra 021 402 3911 / 086 000 3474 ku kuma Nomboro ya rheferense
  7. U nga ha tlhela u hakela hi mali yinene kumbe hi ku tirhisa hundzisela wa mali xielekitironiki (EFT). U komberiwa ku xiyaxiya leswaku loko EFT yi nga endliwangi kusuka eka FNB (First National Bank) ku ta va na ku hlwela ka tiawara ta 24.
  8. Fekisa vumbhoni bya hakelo ya wena eka Senthara ya Vukorhokeri bya Vatirhisi – eka: 021 402 3362/ 021 402 3081/ 021 402 3670 na ku va kombela ku ku nyika ku tiyisisa ka hakelo.
  9. Rhumela xikombelo eka Ndzawulo ya Vurimi, Swihlahla na swa Tinhlampfi: Private Bag X2, Roggebaai, Cape Town, 8012 kumbe
    xi yise hi voko eka Muako wa  Foretrust, Martin Hammerschlag Way, Foreshore, Cape Town.

Xana swi teka nkarhi wo tanihi kwihi

Xikombelo xi nga ha teka masiku yanharhu ya ntirho kumbe ku tlula, hi ku ya hi ku rhumeriwa kahle ka xikombelo

Xana swi durha mali muni

Tarrifs

Tihlanganise na hofisi yihi na yihi ya SAMSA ku kuma mahungu ya ntsengo wa xitifikheti xa vuhlayiseki.    

Tifomo leti tatiwaka

Kuma Xikombelo xa papila ro njovela tinhlampfi laha kaya, eka lwandle leri nga lawuriwiki hi tiko ro karhi na le matikweni mambe eka Senthara ya Vukorhokeri ya Ndzawulo ya Vurimi, Swihlahla na swa Tinhlampfi eKapa eka Xithezi xa le Hansi, Muako wa Foretrust, Martin Hammerschlag Way, Foreshore.

Loyi u nga tihlanganisaka na yena

Senthara ya Vukorhokeri bya Vatirhisi:
Riqingho: 021 402 3911 / 086 000 3474
Fekisi: 021 402 3362

Kherefu ya ndhawu: Xithezi xa le Hansi, Muako wa  Foretrust, Martin Hammerschlag Way, Foreshore, Cape Town 8000
Kherefu ya poso: Ndzawulo ya Vurimi, Swihlahla na swa Tinhlampfi: Private Bag X2, Roggebaai, Cape Town, 8012
Webusayiti: www.dalrrd.gov.za/

Vuxokoxoko byo tihlanganisa na SAMSA.

Share this page