Ngwadisa leselawatle la go thea dihlapi

Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo

 

 

Mabapi le go ngwadiša leselawatle la go thea dihlapi

Go sepetša seketswana sa go rea dihlapi ka Afrika Borwa, o swanetše go iša seketswana seo go ba Bolaodi bja Polokego ya Lewatleng bja Afrika Borwa (samsa) gore ba leke seketswana seo gore se loketše go sesa ka lewatleng. Samsa e tla dira tshepedišo ya tshekatsheko gomme ya go fa Setifikeiti sa Polokego.

Ge o šetše o na le setifikeiti, o swanetše go dira kgopelo go Kgoro ya Temo, Kagodithokgwa le Boreahlapi ka Motsekapa go hwetša laesentshe ya seketswana sa go rea dihlapi.

Seketswana sa go rea dihlapi ke sekepe se sennyane goba seketswana seo se tlabetšwego goba seo se šomišwago go:

  • laola
  • rea, le
  • go šomišetšwa methopo ya ka lewatleng goba go thekga mediro ya go sepelelana le yona.

Se se akaretša seketswana sefe goba sefe seo se thekgago goba se thušago goba seketswana se tee goba tše ntši ka lewatleng ge di dira tiro efe goba efe ye e dumeletšwego ye e amanago le go rea dihlapi go akaretšwa, eupša go sa direlwe mellwane go lokišetša, kabo, polokelo, go tšidifatša, go sepetša, goba go šoma dihlapi.

O swanetše go ba le tokelo ya go rea dihlapi le tumelelo ya go šoma ka ditiro tša go rea dihlapi. Ga go seketswana sa go rea dihlapi seo se tlago ngwadišwa ka ntle le tokelo ya go rea dihlapi le tumelelo ya go šoma ka ditiro tša go rea dihlapi.

Se o swanetšego go se dira

  1. Beakanyetša gore seketswana se išwe tshepedišong ya Samsa ya tshekatsheko ya go ba le maswanedi a go šoma lewatleng.
  2. Hwetša Fomo ya Kgopelo ya laesentshe ya seketswana sa go rea dihlapi ka nageng, ka mawatleng a magolo le ka mawatleng a dinaga tša ka ntle Lefelong la Ditirelo tša Badiriši la Kgoro ya Temo, Kagodithokgwa le Boreahlapi ka Motsekapa mo go Ground Floor, Foretrust Building, Martin Hammerschlag Way, Foreshore.
  3. Tlatša fomo yeo ka mongwalo wa go bonala o šomiša ditlhaka tše kgolo fela
  4. Ge o nyaka go rea dihlapi
    • ka nageng, mametletša:
      • Fomo ya dikgopelo ye e tladitšwego
      • Setifikeiti sa Maleba sa Samsa
      • Setifikeiti sa ICCASA, ge se le gona
      • Ge e le gore o mong wa seketswana yo moswa, dikhopi tše di setifailwego tša dingwalwa tša ngwadišo tša khamphani goba pukwana ya boitsebišo
    • ka mawatleng a magolo, mametletša
      • Mangwalo k amoka a hlokegago ge o nyaka go rea dihlapi ka nageng, eupša Setifikeiti sa Samsa se swanetše go laetša gore seketswana se ka rea dihlapi mawatleng a magolo
    • ka mawatleng a dinaga tša ka ntle, mametletša
      • leina le dintlha tša mong wa seketswana (go akaretšwa dišere tša beng ba khamphani)
      • botelele bja seketswana
      • maatla le bokgoni bja seketswana seo
      • Folaga ya Naga yeo seketswana se ngwadišitšwego go yona mo lebakeng le (ge e le gore se dumeletšwe go tšwa goba se kopanetšwe le badudi bao e sego ba Afrika Borwa)
      • lebaka la nako le lefapha la boreahlapi leo seketswana se tlago romelwa gona go yo šoma
      • setifikeiti sa ngwadišo go tšwa go naga ya folaga yeo
  5. Lefa tšhelete yeo e beilwego go ya ka botelele bja seketswana ka akhaonteng ye e latelago:
    Bank: First National Bank
    Account number: 62123256382
    Account Type: Current
    Account Name: Marine Living Resources Fund
    Branch Name: Corporate Account Services Cape Town
    Branch Code: 204-109
  6. Leletša lefelo la tirelo ya badiriši mo mogaleng wa 021 402 3911 / 086 000 3474 go hwetša nomoro ya tšhupetšo
  7. O ka lefa gape kheše goba ka Mokgwa wa go Theransefera Tšhelete ka Elektroniki (EFT). O kgopelwa go lemoga gore ge EFT e se ya dirwa ka FNB (First National Bank) gona go tla ba le titelego ya diiri tše 24.
  8. Fekesetša bohlatse bja tefo go Lefelo la Tirelo ya Badiriši go 021 402 3362/021 402 3081/021 402 3670 gomme o ba kgopele gore ba go fe tiišetšo ya gore o lefile.
  9. Romela kgopelo go Kgoro ya Temo, Kagodithokgwa le Boreahlapi: Private Bag X2, Roggebaai, Cape Town, 8012 goba e tliše ka letsogo go Foretrust Building, Martin Hammerschlag Way, Foreshore, Cape Town.

Go tšea lebaka le lekaakang

Kgopelo e ka tšea matšatši a mararo a mošomo goba go feta, go eya ka gore o latela magato a maleba a go tliša kgopelo.

E dira tshenyagelo ya bokae

Ditefišo

Ikgokaganye le kantoro efe goba efe ya SAMSA go hwetša tshedimošo ya mabapi le tshenyegelo ya ka ga setifikeiti sa polokego.

Difomo tše o swanelago go di tlatša

Hwetša Fomo ya Kgopelo ya laesentshe ya seketswana sa go rea dihlapi ka nageng, ka mawatleng a magolo le ka mawatleng a dinaga tša ka ntle Lefelong la Ditirelo tša Badiriši la Kgoro ya Temo, Kagodithokgwa le Boreahlapi ka Motsekapa mo go Ground Floor, Foretrust Building, Martin Hammerschlag Way, Foreshore.

O ka ikopantšha le mang

Lefelo la Ditirelo tša Badiriši la Boreahlapi:
Mogala: 021 402 3911 / 086 000 3474
Fekese: 021 402 3362

Aterese ya Ofisi: Ground Floor, Foretrust Building, Martin Hammerschlag Way, Foreshore, Cape Town 8000
Aterese ya Poso: Department of Agriculture, Forestry, and Fisheries, Private Bag X2, Roggebaai, Cape Town, 8012
Wepsaete: www.dalrrd.gov.za/

Dintlha tša boikgokaganyo tša SAMSA

 

Share this page