Ngodisa sekepe sa ho tshwasa ditlhapi

Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya

 

 

Dintlha tsa ho ngodisa sekepe sa ho tshwasa ditlhapi

Ho ba le sekepe sa ho tshwasa ditlhapi ka naheng ya Aforika Borwa, o lokela ho isa sekepe sa hao ho Bolaodi ba Aforika Borwa ba Polokeho Mawatleng (samsa) ho hlahloba haeba sekepe se loketse ho ba lewatleng. Samsa e tla hlophisa motjha wa tekolo le ho o neha Setifikeiti sa Polokeho.

Hang ha o se o na le setifikeiti, o lokela ho etsa kopo ho Lefapha la Temo, Meru le Ditlhapi ho la Motse Kapa bakeng sa laesense ya sekepe sa ditlhapi.

Sekepe sa ditlhapi ke sekepe se sebedisetswang:

  • ho laola
  • ho kotula, le
  • ho batlana le mehlodi ya mawatleng kapa tse tshehetsang mesebetsi e amehang.

Sena se kenyeletsa sekepe leha e le sefe se thusang se seng kapa tse ding lewatleng ha di etsa mosebetsi ofe kapa ofe o dumeletsweng o tsamaelanang le ho tshwasa ditlhapi ho kenyeletsa, empa ho sa felle ka boitokisetso, phepelo, poloko, ho hatsetsa, ho tsamaisa, kapa ho tswellisa.

O lokela ho ba le tokelo ya botshwasi le tumello ya ho kenela mesebetsi ya botshwasi. Ha ho sekepe sa ditlhapi se tla ngodiswa ntle le tekolo ya botshwasi le tumello ya ho kenela mesebetsi ya botshwasi.

O lokela ho se etsang

  1. Hlophisa hore sekepe se kenele motjha wa tekolo wa Samsa ho sheba haeba se loketse lewatle.
  2. Etsa kopo bakeng sa laesense ya sekepe sa lehae, sa mawatle a maholo le sa matjhaba Setsing sa Tshebeletso ya Bareki ya Lefapha la Temo, Meru le Ditlhapi Motse Kapa Mokatong o ka Tlase, Foretrust Building, Martin Hammerschlag Way, Foreshore.
  3. Tlatsa foromo ka mongolo wa ditlhaku tse kgolo feela.
  4. Bakeng sa botshwasi
  • ba ka naheng, kenyeletsa:
    • Foromo ya kopo e tlatsitsweng ka botlalo
    • Setefikeiti sa Nnete sa Samsa
    • Setifikeiti sa ICCASA, haeba se le teng
    • Haeba o le monga sekepe ya motjha, dikhopi tse hlapantshitsweng tsa ditokomane tsa boingodiso ba khamphani kapa tokomane ya boitsebiso
  • ba mawatleng a maholo, kenyeletsa
    • Ditokomane kaofela tse hlokahalang tsa ha o kenya kopo ya botshwasi ba ka naheng, empa Setifikeiti sa Samsa se lokela ho bontsha hore sekepe se tshwasa mawatleng a maholo
  • ba mawatleng a matjhaba, kenyeletsa
    • lebitso le dintlha ka botlalo tsa monga sekepe (ho kenyeletsa le diabo tsa khamphani)
    • bolelele ba sekepe
    • matla a enjene le boholo ba sekepe
    • Folakga ya Puso eo sekepe hajwale se ngodisitsweng tlasa yona (haeba se hirilwe kapa se kopanetswe le batho bao e seng baahi ba Aforika Borwa)
    • nako le lekala la botshwasi leo sekepe se welang ho lona
    • setifikeiti sa boingodiso sa folakga ya puso
  1. Lefella tjhelete e laetsweng ho ya ka bolelele ba sekepe akhaonteng e latelang:
    Bank: First National Bank
    Account number: 62123256382
    Account Type: Current
    Account Name: Marine Living Resources Fund
    Branch Name: Corporate Account Services Cape Town
    Branch Code: 204-109
    Letsetsa setsi sa tshebeletso ya bareki mohaleng wa 021 402 3911 / 086 000 3474 bakeng sa nomoro ya tshupiso
  2. Hape o ka lefa kontane kapa ka Mokgwa wa Elektroniki (EFT). Ka kopo lemoha hore haeba EFT e sa etswa ka FNB (First National Bank) ke moo ho tla ba le tiehiso ya dihora tse 24.
  3. Romella bopaki ba tefello ka fekse Setsing sa Tshebeletso ya Bareki nomorong ya 021 402 3362/ 021 402 3081/ 021 402 3670 mme o ba kope ho fana ka tiisetso ya tefello.
  4. Romella kopo ho Lefapha la Temo, Meru le Ditlhapi ho: Private Bag X2, Roggebaai, Cape Town, 8012 kapa
    e ise ka letsoho Foretrust Building, Martin Hammerschlag Way, Foreshore, Motse Kapa.

Nako ya tshebetso

Kopo e ka nka matsatsi a mararo a tshebetso kapa ho feta, ho itshetlehilwe hodima mokgwa o nepahetseng wa ho kenya kopo.

Ditjeo ke bokae

Dikepela

Ikopanye le kantoro e nngwe le e nngwe ya SAMSA bakeng sa tlhahisoleseding e mabapi le setifikeiti sa polokeho.

Diforomo tse tlatswang

Thola kopo bakeng sa laesense ya matjhaba ya sekepe sa ditlhapi ya lehae, ya mawatle a maholo ho Setsi sa Tshebeletso ya Bareki ya Botshwasi ya Lefapha la Temo, Meru le Ditlhapi ho la Motse Kapa Mokatong o ka Tlase, Foretrust Building, Martin Hammerschlag Way, Foreshore.

Dintlha tsa ho iteanya

Setsi sa Tshebeletso ya Bareki sa Botshwasi:
Mohala 021 402 3911 / 086 000 3474
Fekse 021 402 3362

Aterese ya Kantoro: Ground Floor, Foretrust Building, Martin Hammerschlag Way, Foreshore, Cape Town 8000
Aterese ya Poso: Department of Agriculture, Forestry, and Fisheries, Private Bag X2, Roggebaai, Cape Town, 8012
Websaete: www.dalrrd.gov.za/

Dintlha tsa ho ikopanya le SAMSA

Share this page