Tlolisa Isikebhe Sokuthiya Iinhlambi

Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani

 

 

Okuphathelene nokutlolisa isikebhe sokuthiya iinhlambi

Nawufuna ukusebenzisa isikebhe sokuthiya iinhlambi eSewula Afrika, kufanele uthathe isikebheso usise eHlanganweni YezokuPhepha ELwandle YeSewula Afrika  i-South African Maritime Safety Authority (SAMSA) ,  uyosihlolisa ukuthi sikulungele na ukusebenza elwandle.  I-Samsa izakuhlolela sona, bese ikunikela isiTifikethi SokuPhepha. 

Sele unesitifikethi, kufanele wenze isibawo selayisense yokusebenzisa isikebhe sokuthiya iinhlambi emNyangweni wezokuLima, zamaHlathi nezeenHlambi eKapa, i-Department of Agriculture, Land Reform and Rural Development in.

Isikebhe sokuthiya iinhlambi sikebhe namkha isikejana: 

  • Sokulawula
  • Sokuthiya kunye
  • Nokusebenzisa izinto eziphila ngemanzini welwandle namkha ukusekela imisebenzi ekhambisana nalokhu.

Lapha-ke kubalwa nanyana ngisiphi isikebhe esisiza esinye isikebhe namkha esisiza ezinye iinkebhe elwandle ekwenzeni nanyana ngiwuphi umsebenzi wokuthiywa kweenhlambi ovunyelwe ukwenziwa elwandle, sekubalwa nokulungiswa kweenhlambi ezibanjwe elwandle, nokusatjalaliswa  kwazo, nokubulungwa kwazo, nokufakwa kwazo emafrijini, nokukhanjiswa kwazo  namkha ukulungiselelwa kwazo ukugonywa, hlangana neminye imisebenzi.   

Kufanele ube nelungelo lokuthiya iinhlambi kunye nencwadimvumo yokuthiya iinhlambi, nawuzakuvunyelwa ukuthiya iinhlambi. Akunasikebhe sokuthiya iinhlambi esizakutloliselwa ukwenza lomsebenzi ngaphandle kwelungelo lokuthiya; qala ku- fishing right

Okufanele ukwenze

  1. Yenza ukuthi i-Samsa ikuhlolela isikebhe sakho ukuthi sikulungele na ukusebenza elwandle.
  2. Yenza isibawo selayisense yesikebhe sokuthiya iinhlambi elwandle eliphakemeko eSewula Afrika nemazweni wangaphandle emNyangweni wezokuLima, zamaHlathi nezeenHlambi  eZikweni lezamaKhastama elisesiTezi esiPhasi, e-Foretrust Building, e-Martin Hammeschlag Way e-Foreshore, eKapa.  
  3. Zalisa iforomu ngokutlola ngokuhlukanisa, utlole ngamagabhadlhela wodwa.     
  4. Phekelela ngalokhu: 
    • ESewula Afrika       
      • Iforomu lesibawo elizalisiweko                                             
      • Isitifikethi se-Samsa  esisemthethweni nesisebenzako                                            
      • Isitifikethi se-ICCASA, nayibe siyafuneka                                          
      • Nayibe umnikazi omutjha wesikebhe, kufuneka namakhophi afakazelweko wemitlolo yokutloliswa (ukurejistarwa) kwekhamphani namkha umazisi wakho.  
    • Ilwandle eliphakemeko            
      • Kusafana nekweSewula Afrika, kodwana isiTifikethi se-Samsa kufanele sitjho ukuthi isikebhesi singathiya elwandle eliphakemeko.
    • Ngaphandle kweSewula Afrika                
      • Ibizo nemininingwana yomnikazi wesikebhe (sekubalwa namatjhere wobunikazi)                                                                                       
      • Ubude besikebhe
      • Amandla nobukhulu besikebhe
      • IFlarha yomBuso isikebhe esitloliswe ngaphasi kwawo  (nayibe siqatjhwe ebantwini abangasizo izakhamuzi zeSewula Afrika namkha nayibe abanikazi baso abamaSewula Afrika basihlanganyele nabantu abangasizo izakhamuzi zeSewula Afrika)     
      • Ubude besikhathi nekoro lapho isikebheso sizabe sithunywe ukuyothiya khona
      • Isitifikethi sokutloliswa (sokurejistarwa) selizwe leflarha elithwelwe sikebheso.
  5. Bhadela imbadela ebekiweko ngokuya ngobude besikebhe sakho, kile-akhawundi yebhanga elandelako: 
    Bank: First National Bank
    Account number: 62123256382
    Account Type: Current
    Account Name: Marine Living Resources Fund
    Branch Name: Corporate Account Services Cape Town
    Branch Code: 204-109
    Fowunela iziko elisiza amakhastama enomborweni ethi:  021 402 3911 kobanyana uzokuthola inomborolayelo.                                             
  6. Ungabhadela nangekhetjhi namkha ubhadele ngokutransfera ngethungelelwano lamakhomphyutha (i-EFT). Nokho-ke yelela ukuthi nayibe i-EFT ayikenziwa e-First National Bank (e-FNB), kuzakuthatha ama-awa ama-24 ngaphambi kobana imali leyo ifike.
  7. Feksela isitlankana esibufakazi bokuthi ubhadele ku: Customer Service Centre – enomborweni ethi: 021 402 3362 bese ukhombele bona bakunikele isitlankana esibufakazi bokuthi ubhadele.
  8. Thumela isibawo sakho ku: Department of Agriculture, Forestry and Fisheries: Private Bag X2, Roggebaai, Cape Town, 8012 namkha usiphekelele mathupha e-Foretrust Building, Martin Hammerschlag Way, Foreshore, Cape Town. 

Isikhathi esibekiweko

Lesi sibawo esingathatha amalanga womsebenzi amathathu namkha ngaphezu kwalokho, kuye ngokuthi isibawo sifakwe kuhle kangangani.

Kubiza Malini

Tarrifs  (Iimbadela)

Thintana nanyana kungaba ngiyiphi i-ofisi ye-SAMSA uthole ukuthi sibiza malini isitifikethi sezokuphepha.

Amaforomu ekufanele azaliswe                                 

Yenza isibawo selayisense yesikebhe sokuthiya iinhlambi elwandle eliphakameko eSewula Afrika nemazweni wangaphandle emNyangweni wezokuLima, zamaHlathi nezeenHlambi eZikweni lezamaKhastama elisesiTezi esiPhasi, e-Foretrust Building, e-Martin Hammeschlag Way e-Foreshore, eKapa.

Ungathintana nobani

Fisheries Customer Service Centre (IZiko LezamaKhastama  Athiya Ngemanzini):

INomboro Yomtato: 021 402 3911 / 086 000 3474
Ifeksi:  021 402 3362

Isiphande Somakho: Ground Floor, Foretrust Building, Martin Hammerschlag Way, Foreshore, Cape Town 8000
Isiphande Sokuposa: Department of Agriculture, Forestry and Fisheries, Private Bag X2, Roggebaai, Cape Town, 8012
Isiphande Sobunzinzolwazi: www.dalrrd.gov.za/

Imininingwana yokuthintana ne-SAMSA

Share this page