Bhalisa umkhumbi wekudweba

Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa

 

 

Ngesi ngeKubhalisa umkhumbi wekudweba

Kute usebentise umkhumbi wekudweba eNingizimu Afrika, ufanele kutsi uyise lomkhumbi kuMtimba Wetekuphepha Elwandle WaseNingizimu Afrika (e-Samsa) kuhlola lomkhumbi kutsi ukulungele yini kuba selwandle. I-Samsa itawenta indlelanchubo yekuhlola iphindze futsi ikunike Sitifiketi seTekuphepha.

Uma ngabe sewunesitifiketi, ufanele kutsi ufake sicelo kuLitiko Letekulima, Temahlatsi Netinhlanti eKapa kute utfole ilayisensi yemkhumbi wekudweba.

Umkhumbi wekudweba sikebhe noma ngumkhumbi lolungiselelwe noma losetjentiselwa:

  • kuphatsa
  • kuvuna, kanye
  • nekudweba tilwane taselwandle noma kwesekela imisebenti lehambisana naloko.

Loku kufaka ekhatsi nanoma ngumuphi lowelekelelako noma losita umkhumbi munye noma lengetulu kwamunye elwandle ekwenteni nanoma ngumuphi umsebenti lovumelekile lophatselene nekudweba kufaka ekhatsi, kepha akupheleli ekulungiseleleni, kuniketa lokudzingwako, kulondvolota, kufaka emakhateni, kutfutsa, noma kwendlulisa. 

Ufanele kutsi ube nemalungelo ekudweba kanye nemvume kute kutsi ukwati kwenta imisebenti yekudweba. Kute umkhumbi wekudweba lotawubhaliswa uma ngabe ute lilungelo lekudweba kanye nemvume yekutsi ukwati kwenta imisebenti yekudweba.

Yini lekumele uyente

  1. Hlela kutsi lomkhumbi uyohlolwa yi-Samsa kutsi ukulungele yini kuba selwandle.
  2. Tfola lifomu lekufaka sicelo sekutfola ilayisensi yemkhumbi wekudweba khona lapha ekhaya, elwandle loluvulekile nakulamanye emave, kuLitiko Letekulima, Temahlatsi Netinhlanti nakuSikhungo Sekusita eKapa e-Ground Floor, Foretrust Building, Martin Hammerschlag Way, Foreshore. 
  3. Gcwalisa lelifomu ngekubhala ugcagcanise ngetinhlamvumagama letinkhulu kuphela.
  4. Faka:
    • Lifomu letekudweba lapha ekhaya
      • Lifomu lekufaka sicelo leligcwalisiwe
      • Sitifiketi seSamsa lesiSebentako
      • Sitifiketi se-ICCASA, uma kufanele
      • Uma ngabe ungumnikati lomusha wemkhumbi, faka emakhophi lacinisekisiwe ekubhaliswa kwenkampani noma-ke matisi
    •  Lwandle Loluvulekile
      • Siyafanana nesekudweba khona lapha ekhaya, kepha-ke Sitifiketi se-Samsa sifanele kutsi sikhombise kutsi lomkhumba ungadweba naselwandle loluvulekile.
    • Ngaphandle kweminyele yaleli
      • ligama nemininingwane yemnikati wemkhumbi (kufaka ekhatsi emasheya ebuniyo)
      • budze bemkhumbi
      • emandla enjini kanye nebukhulu bemkhumbi
      • Umjeka weLive lomkhumbi lobhaliswe kulo kwamanje (uma ngabe ucashiwe noma webantfu labawuhlanganisele labangasito takhumti taseNingizimu Afrika)
      • sikhatsi kanye nemkhakha lomkhumbi lotawudweba kuwo
      • sitifiketi sekubhalisa selive lemjeka
  5. Bhadala imali lebekiwe ngekuya kwebudze bemkhumbi kule-akhawunti lelandzelako:
    Libhange: First National Bank
    Inombolo ye-akhawunti: 62123256382
    Luhlobo lwe-Akhawunti: Current
    Ligama le-Akhawunti: Marine Living Resources Fund
    Ligama leLigatja: Corporate Account Services Cape Town
    Ikhodi yeLigatja: 204-109
  6. Ssikhungo sekusita emakhasimende kulolucingo: 021 402 3911 / 086 000 3474 mayelana nereferensi
  7. Ungaphindze futsi ubhadale ngemali lengukheshi noma ngekwendlulisa imali ngekwe-elekkthroniki (i-EFT). Ucelwa kutsi ucaphele kutsi uma ngabe le-EFT ayiveli kulibhange i-FNB (First National Bank) kutawuba khona kubambeleleka kwema-awa lange-24.
  8. Tfumela ngefeksi bufakazi bakho bekubhadala kuSikhungo Sekusita Emakhasimende– ku: 021 402 3362/ 021 402 3081/ 021 402 3670 ubacele kutsi bakunike ufakazi bekubhadala.
  9. Ngenisa lesicelo kuLitiko Letekulima, Temahlatsi Netinhlanti: Private Bag X2, Roggebaai, Cape Town, 8012 noma uliyise wena ngesandla eForetrust Building, Martin Hammerschlag Way, Foreshore, eKapa.

 

Sikhatsi semsebenti

Lesicelo singatsatsa emalanga lamatsatfu ekusebenta noma ngetulu, kuye ngekutsi lesicelo sifakwe kahle yini.

Ngabe kubita malini

Ematharifi

Tsintsa nanoma nguluphi lihhovisi le-SAMSA kute utfole tindleko tesitifiketi setekuphepha.    

Emafomu lagcwaliswako

Faka sicelo sekutfola ilayisensi yemkhumbi wekudweba khona lapha ekhaya, elwandle loluvulekile nakulamanye emave, kuSikhungo Sekusita Emakhasimende seLitiko Letekulima, Temahlatsi Netinhlanti eKapa eGround Floor, Foretrust Building, Martin Hammerschlag Way, Foreshore.

Ngubani longamutsintsa

Sikhungo seTetinhlanti Sekusita Emakhasimende:
lucingo: 021 402 3911 / 086 000 3474
Ifeksi: 021 402 3362

Likheli lendzawo: Ground Floor, Foretrust Building, Martin Hammerschlag Way, Foreshore, eKapa 8000
Likheli Leliposi: Litiko Letekulima, Emahlatsi, Netinhlanti, Private Bag X2, Roggebaai, eKapa, 8012
Iwebhusayithi: www.dalrrd.gov.za/

Imininingwane yekutsintsana ye-SAMSA

Share this page