Xikombelo xa layisense ya xikepe xa ku phasa tinhlampfi xa ndzhawu etikweni

Hi ku endla xikombelo xa layisense ya xikepe xo phasa tihlampfi ya laha

Ku tirhisa xikepe xo phasa tihlampfi xa laha eAfrika Dzonga, xikepe xi fanele ku rhijisitariwa na ‘the South African flag state’. U fanele ku endla xikombelo xa xitifikheti xa vuhlayiseki ku suka eka South African Maritime Safety Authority na layisense ya xikepe xo phasa tihlampfi ku suka eka Ndzawulo ya Ndzawulo ya Vurimi, Swihlahla na Vuphasi bya tihlampfi eCape Town.

Ku fikelela, u fanele kuva:

• Mu-Afrika Dzonga loyi a nga na vun’winyi byo helela na vulawuri bya xikepe, kumbe
• huvo ya muako, sosayithi kumbe nhlangano wun’wana lowu rhijisitariweke eAfrika Dzonga laha mu-Afrika Dzonga a lawulaka minkavelo yo tala na timfanelo to vhota.

Xikepe xo phasa tihlampfi xa laha xi katsa swiambalo hinkwaswo, switirhisiwa, vuhlayiselo, ndzhwalo na mafurha exikepeni. Swi nga tlhela swi katsa swikepe swihi na swihi swo pfuneta elwandle eku tirheni gingiriko wihi na wihi mayelana no phasa tihlampfi.

Migingiriko leyi yi katsa, kambe yi nga pimiwi eka:

• malulamiselo
• mphakelo
• vuhlayiso
• vugwitsirisi
• vutleketli kumbe vuhumelerisi
• ku nghenelela thwi eka migingiriko ya vuphasi bya tihlampfi eka Zoni yo Hlawuleka ya Ikhonomi (Exclusive Economic Zone) (EEZ)/mati ya matiko ya misava ehansi ka mujeko wa mfumo wa Afrika Dzonga.

Lemuka: A swi le nawini ku tirhisa xikepe lexi nga tsarisiwangiki. Loko u ri hava timfanelo to phasa tihlampfi, u fanele kuva na kontiraka na mukhomi wa mfanelo yo phasa tihlampfi ku tirhisa xikepe xa wena.

Xikepe lexi tsariseriweke vuphasi bya tihlampfi bya bindzu a xi nge tirhisiwi hi swikongomelo swa vuhungasi.

Swikepe leswi tsariseriweke vuphasi bya tihlampfi bya bindzu swi fambelana na mfanelo wo karhi wo phasa tihlampfi naswona swi nga tirhiseriwa eka mfanelo wolowo ntsena.

Nkarhi wa layisense ya xikepe xo phasa tihlampfi wu fambelana na nkarhi wa wa xitifikheti xa Samsa.Layisense ya xikepe xo phasa tihlampfi yi tirha nkarhi wo fana na xitifikheti xa Samsa.

Leswi u faneleke ku swi endla

1. Lulamisela xikepe kuya kamberiwa kuva xi lulamele kuva elwandle eka Samsa ku kuma xitifikheti xa vuhlayiseki.
2. Teka eka inthanete fomo ya xikombelo xa layisense ya xikepe xo phasa tihlampfi ya laha. Tata fomo hi maletere lamakulu.
3. Namarheta :
   • khopi leyi sayiniweke ya xitifikheti xa sweswi xa Samsa
   • khopi leyi sayiniweke ya ntwanano na mukhomi wa mfanelo (swi endleka ntsena loko u nga ri mukhomi wa mfanelo).
   • khopi leyi sayiniweke ya mfungho wa xikoweto xa rhadiyo (loko swi fanerile)
   • Papila ro nyika mpfumelelo (leri faneleke loko xiyenge xa vunharhu xi endla xikombelo hi ku yimela n’winyi wa xikepe).
4. Hakela ntsengo lowu bohiweke eka akhawunti leyi landzelaka:
   Bangi: First National Bank
   Nomboro ya akhawunti: 62123256382
   Muxaka wa akhawunti: Current
   Vito ra akhawunti: Marine Living Resources Fund
   Rhavi ra akhawunti: Corporate Account Services CapeTown
   Khodi ya rhavi: 204-109
   Bela riqingho eka senthara ya vukorhokeri eka 021 402 3911 / 086 000 3474 ku kuma rheferense.
   U nga hakela hi khexe kumbe hi ndlela yo thiransfera mali hi elektroniki (EFT). Lemuka leswaku loko EFT yi nga endliwangi na First National Bank ku tava na ku hlwela ka 24 wa tiawara.
5. Rhumela xikombelo eka the Department of Agriculture, Forestry and Fisheries, Private Bag X2, Roggebaai, Cape Town, 8012.
6. Rhumela vumbhoni byo hakela hi fekisi eka Senthara ya Vukorhokeri bya Tikhasimende eka 021 402 3362/3081/3670 no kombela xitiyisiso xa hakelo.
7. Kumbe, endzela Senthara ya Vukorhokeri bya Tikhasimende, Ground Floor, Foretrust Building, Martin Hammerschlag Way, Foreshore, Cape Town ku endla xikombelo. Tana na tikhopi leti sayiniweke ta matsalwa laya lavekaka na ntsengo lowu lavekaka.

Leswi u faneleke ku swi endla

Xikombelo xi ngateka masiku manharhu kumbe ku tlula., ku suka hi siku ra xitiyisiso xa tihakelo, ntsena loko u endlile xikombelo xa wena kahle.

Xana swi durha mali muni

Tariffs for each service is reflected on the application form. 

Tifomo leti tatiwaka

Application for a local fishing vessel licence

Vuxokoxoko bya vutihlanganisi