Mayelana
Lokufanele kutsi ukwente
Kutsatsa sikhatsi lesingakanani?
Kubita malini?
Emafomu lekumele kutsi uwagcwalise
Umuntfu longamtsintsa
Mayelana nekufaka sicelo semvume yekumba simbiwa
Nangabe ufuna kumba simbiwa udzinga kutfola imvume yekumba kuLitiko Letetimbiwa (i-DMR).
Imvume yekumba simbiwa iyidokhumenti lekhishwa yi-DMR lekuvumela kutsi uchube umsebenti wekumba simbiwa. Kute umuntfu lovumeleke kutsi embe simbiwa ngaphandle kwemvume yekumba simbiwa. Timvume tekumba timbiwa atendluliselwa kulomunye.
Imvume yekumba simbiwa isemtsetfweni sikhatsi lesibekiwe kuleyo mvume, kepha angeke yengce iminyaka lemibili. Nanoma kunjalo, ingavusetelwa emahlandla lamatsatfu kepha lihlanhla ngalinye angeke libe ngetulu kwemnyaka.
Imvume yekumba simbiwa ingakhishwa futsi nangabe:
- Lesimbiwa lekukhulunywa ngaso singambiwa ngendlela lencomekako iminyaka lemibili
- Lendzawo lekumbiwa kuyo ayindluli ku-1,5 ha ngelizinga.
Lokufanele kutsi ukwente
- Faka sicelo nge-inthanethi.
- Khokhela nge-inthanenthi imali lengabuyiselwa emuva lekuvunyelwene ngayo.
- Sicelo sakho losifake nge-inthanethi sitomukelwa nangabe tonkhe tidzingo tifezekile.
- Uma sicelo sakho sesemukelwe, umphatsi wesigodzi utocela kutsi ungenise luhlelo lwekulawula simondzawo uphindze ubonane nemnikati wemhlaba kanye nemcashi losemtsetfweni walomhlaba nanoma ngabe ngumuphi lomunye umuntfu lotsintsekako.
- Ngenisa umphumela lobhaliwe wengcoco kumphatsi wesigodzi kungakapheli tinsuku letinge-30.
- Indvuna yeLitiko Letetimbiwa itawukhipha imvume yekumba simbiwa nangabe tonkhe letidzingo setifeziwe.
Kutsatsa sikhatsi lesingakanani?
Lenchubo Yekuphatsa Umcebo Wesimbiwa sase-Ningizimu Afrika itokwatisa masinyane nangabe sicelo sakho semukelekile (lokukuchaza kutsi ufeze tonkhe tidzingo takho).
Emafomu lekumele kutsi uwagcwalise
Tonkhe ticelo kumele tentiwe ku-inthanethi.
