Malunga | Ofanele kukwenza
Ixesha elimiselweyo
Ingaba kubiza malini na
Amaxwebhu omele ukuwagcwalisa
Ungaqhagamshela nabani
Malunga nokufaka isicelo sokufakwa kwicandelo elikhethekileyo ngokubhekiselele kwimirhumo yephepha-mvume okanye ukukhululwa kubhaliso
Ukuba unemoto engenzelwanga ukuthutha impahla okanye abantu kwindlela kawonke-wonke (ngokoluvo loMphathiswa wephondo ochaphazelekayo), ungafaka isicelo sokuba isithuthi sifakwe kwicandelo elikhethekileyo kwaye likhululwe kwimirhumo yephepha-mvume.
Imizekelo yezithuthi ezingafakwa kwicandelo elikhethekileyo zizixhobo zokusebenza ezishukumayo (oomatshini) okanye izithuthi ezenzelwe ugqatso. Ezi zithuthi zenzelwe iinjongo ezithile zingaquka oomatshini bokubhora amanzi, abokubhula, abakuvuna, i-erhe, umatshini wokucheba ingca, umatshini wokusonga amabhali, umatshini wokukrwela, owokugangatha, owokutshiza, owokuphakamisa imithwalo enzima, ikhuba, isithuthi esitshintshiweyo, esakhiwe ngokutsha okanye satshintshwa ukuze sisetyenziselwe iinjongo zogqatso kuphela kunye/okanye kuboniswe ngaso embukisweni.
UMthetho weNdlela nezoThutho kaZwelonke ukuvumela kuphela ukuba uqhube izithuthi ezinjalo kwindlela kawonke-wonke ithutyana elifutshane:
- ukuya kumzi womnini-sithuthi ukuze sidluliselwe kuye isithuthi eso, okanye
- ukunqumla indlela kawonke-wonke ukusuka kumzi womnini-sithuthi ukuya komnye kumgama ongekho ngaphezulu kwekhilomitha, okanye
- ukuya okanye ukusuka kwindawo apho kuza kulungiswa khona okanye bekulungiswa kuyo isithuthi eso.
Ofanele kukwenza
- Yiya kwigunyabantu elibhalisayo ufake la maxwebhu alandelayo:
- isazisi sakho (ID)
- isiqinisekiso sokubhaliswa kwesithuthi
- incwadi yokugunyazisa evela kwiQumrhu leMigangatho laseMzantsi Afrika.
- Zalisa isicelo sokuHlelwa ngokuKhethekileyo kweSithuthi (uxwebhu EFL 1) kwigunyabantu lokubhalisa elikufutshane nawe.
Amaxwebhu omele ukuwagcwalisa
Uxwebhu ELF1 (ISicelo sokufakwa kweSithuthi kwicandelo eliKhethekileyo ngokubhekiselele kwimiRhumo yePhepha-mvume)
Amaxwebhu ayafumaneka kwigunyabantu lokubhalisa okanye ungawakopa kwiwebhusayithi ye-eNaTIS.