Sicelo seluhlelembiso lolusipesheli macondzana netinhlawulo telayisensi

Ngesicelo seluhlelembiso lolusipesheli macondzana netinhlawulo telayisensi

Uma ngabe unemoti lengakahlelelwa kuhambisa imitfwalo nobe bantfu kumigwaco yesive, ungenta kutsi lemoti ihlelenjiswe ngalokusipesheli futsi ikhululwe ekubhadaleni tinhlawulo telayisensi.Tibonelo tetitfutsi letingafaneleka kuhlelenjiswa njengaletikhetsekile tintfo letihambako nobe titfutsi letakhelwe umjaho.

Letitfutsi temsebenti lokhetsekile tingafaka ekhatsi imishini kudvonsa emanti, umshini wekubhula, umshini wekuvuna, umshini wekuhhala, umshini wekujuba tjani, umshini wekwenta inyandza yetjani, umshini wekufafatsa, ikheyini, likhubal ekulima, incola yeludzaka loluhlanganiswe ngaphambilini, imoti leyentelwe simo, leyakhiwo nobe leguculelwe tinhloso tekumjaho kanye/nobe kwenta umbukiso. Umtsetfo Wethrafiki Yemgwaco Wavelonkhe uvumela kuphela kutsi ushayele titfutsi letinyalo emgwaceni wesive sikhatsi lesincane sekuya:

• emabaleni emniyo kuyowehlisa letitfutsi, nobe
• kuncamula umgwaco wesive kusuka emabaleni emniyo kuye kulibanga lelingandluli likhilomitha linye, nobe kuchubekela nobe
• kusuka endzaweni lesitawulungiswa kuyo nobe lapho sesilungiswe khona.

Yini lekumele uyente

1. Yani ehhovisini lekubhalisa lelisedvute nawe naloku lokulandzelako:
   • matisi (i-ID) yakho
   • sitifiketi sekubhaliswa kwemoti
   • incwadzi yemtsetfo lephuma ku-South African Bureau of Standards.
2. Gcwalisa lifomu ELF1 (Sicelo Sekuhlelenjiswa Lokusipesheli Kwesitfutsi macondzana netiNhlawulo teLayisensi). Lifomu liyatfolakala ehhovisini lekubhalisa.

Sikhatsi semsebenti

Kungatsatsa emaviki lafika kulasitfupha.

Ngabe kubita malini

Lolusito lwamahhala.

Emafomu lagcwaliswako

Lifomu ELF1 (Sicelo Sekuhlelenjiswa Lokusipesheli Kwesitfutsi macondzana netiNhlawulo teLayisensi).

Emafomu ayatfolakala ehhovisini lekubhalisa nobe ungawakhipha kuwebhusayithi ye-eNaTIS.

Ngubani longamutsintsa