Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha na khumbelo ya u khethekanywa lwo khetheaho kana u tendelwa
Arali vho vha vha na tshiendedzi tshine tsha sa endedze ndaka kana vhathu kha bada ya nnyi na nnyi (nga muhumbulo wa MEC a kwameaho), Vha nga ita uri tshiendedzi tshavho tshi khethekanywe lwo khetheaho na u tendelwa u sa ṅwaliswa.
Tsumbo dza zwiendedzi zwine zwa tendelwa u khethululwa lwo khetheaho ndi zwiendedzi zwine zwa tou tshimbidzwa kana zwo itelwaho mbambe. Hei ndivho ya ndeme i katela mitshini ya u bwa maḓi, mutshini wa u sinḓa, mutshini wa u kaṋa, mutshini wa u lima, mutshini wa u gera hatsi, beiḽara, tshifhalabada, mutshini wa u ḽevheḽa, mutshini wa u fafadzela, khireini, tshiendedzi tsho shandukiswaho, tshiendedzi tsho fhaṱululwaho kana u shandukiswa u shumiselwa mbambe na/kana ṱano.
Mulayo wa Vhuendi Dzibadani wa Lushaka (National Road Traffic Act) u vha tendela fhedzi reila tshiendedzi tsho raloho kha bada ya nnyi na nnyi lwa tshifhinga tshipfufhi u:
- ya fhethu ha muṋe watsho uri tshi endedzwe, kana u
- pfuka bada ya nnyi na nnyi tshi tshi bva ha muṋe watsho tshi tshi ya kha mushumelwa na u vhuya lwa tshikhala tshi sa fhiri kiḽomitha nthihi, kana
- u fhirela hune tshiendedzi tshenetshi tsha khou ya u lugiswa hone kana he tsha lugiselwa hone.
Zwine vha tea u ita
- Kha vha ye kha vha maanḓalanga a vhuṅwalisi vha tsini na zwi tevhelaho:
- Ḽiṅwalo ḽavho ḽa vhuṋe (ID)
- Ṱhanziela ya vhuṅwalisi ya tshiendedzi
- Luṅwalo lwa thendelo lu bvaho kha vha Burou ya Maimo ya Afrika Tshipembe (South African Bureau of Standards)
- Vha ḓadze fomo ya ELF1 (Khumbelo ya u Khethekanywa lwo Khetheaho ha Tshiendedzi malugana na Mbadelo dza Ḽaisentsi). Fomo i wanala kha vha maanḓalanga vha vhuṅwalisi.
Fomo dzi no tea u ḓadzwa
Fomo ya ELF1 (Khumbelo ya u Khethekanywa lwo Khetheaho ha Tshiendedzi malugana na Mbadelo dza Ḽaisentsi)
Fomo dzi wanala kha senthara ya ndingo ya ḽaisentsi na kha eNatis.