Xikombelo xa phemiti ya xinkarhana kumbe ya movha

Hi mayelana na ku endla xikombelo xa phemiti ya xinkarhana kumbe ya movha

Mpfumelelo wa nkarhinyana wa movha wu tirha masiku ma 21 naswona wu  tirhiseriwa movha lowu wu nga tsarisiwa, wu nga na layisense wu tlhela wu pfumeleriwa ku famba epatwini.

Mpfumelelo wa nkarhinyana wu tirhisiwa eka swiyimo leswi swi landzelaka:

• Ku yisa movha eRhiphabuliki eka n'winyi,
• Ku yisa movha eRhiphabuliki eka n'winyi hi kumbe hi muxavisi wa mimovha, kumbe
• Swikongomelo swa ku tsarisa na ku nyika layisense

Ku nyikiwa mpfumelelo wun'we eka vun'winyi bya movha wun'we.

Mpfumelelo wo hlawuleka wa movha wu tirha masiku manharhu ntsena.

Mpfumelelo wo hlawuleka wa movha wu tirhisiwa eka swiyimo leswi swi landzelaka:

• Ku kambela movha walowo;
• Ku ya eka kumbe ku vuya endhawini leyi nga eRhiphabuliki laha ku lunghisiwa ku faneleke ku endliwa kona kumbe laha ku nga endliwa kona eka movha walowo;
• Ku fikelela mukamberi wa mimovha kumbe switirhisiwa swa ku pima ntiko; kumbe
• Ku teka movha walowo hi ku landza leswi swi nga tsariwa eka nawu wa 69

I swa nkoka ku tiva leswaku movha lowu wu nga na mpfumelelo wo hlawuleka a wu fanelenga ku rhwala nhundzu kumbe vakandziyi. Ku hava mpimo wa nhlayo ya mimpfumelelo leyi yi nga nyikiwaka ku ya hi vun'winyi.

Leswi u faneleke ku swi endla

1. Yana eka hofisi yo rhijisitara ya le kusuhi na leswi landzelaka:
   • khopi ya pasi
   • mali leyi vekiweke.
2. Tata fomo ya TSP1(Xikombelo xa Xinkarhana/Phemiti yo Hlawuleka).

Leswi u faneleke ku swi endla

Xikombelo xi nga ha endliwa hi siku rero.

Xana swi durha mali muni

Tihlanganisi na hofisi ya tilayisense eka ndhawu ya wena ku vutisa hi nxavo.

Tifomo leti tatiwaka

Fomo ya TSP1 (Xikombelo xa Xinkarhana/Phemiti yo Hlawuleka). Tifomo ti nga ha kumeka eka hofisi yo rhijisitara kumbe u nga ha ti dawuniloda ku suka eka  webusayiti ya eNaTIS.

Vuxokoxoko bya vutihlanganisi