Umtlolo oyimvumo wekoloyi wesikhatjhana nanyana okhethekileko

Okuphathelene nomtlolo oyimvumo wekoloyi wesikhatjhana nanyana okhethekileko

Umtlolo oyimvumo wekoloyi wesikhathjana usebenza amalanga ama-21 begodu ungewekoloyi etlolisiweko, enelayisensi nevumeleke ukukhamba eendleleni zomphakathi.

Umtlolo oyimvumo wekoloyi usetjenziswa ngaphasi kobujamo obulandelako:

• Nawuphekelela ikoloyi kumnikazi endaweni engaphakathi kweSewula Afrika
• Nawuphekelela ikoloyi kumthengisi weenkoloyi osendaweni engaphakathi kweRiphabhlikhi yeSewula Afrika, nanyana
• Nawutjhayela ikoloyi uyoyitlolisa nanyana uyoyifunela ilayisensi.

Ikoloyi ngayinye ikhutjhelwa umtlolo wemvumo munye.

Umtlolo wemvumo wekoloyi okhethekileko ulungele ukusebenza amalanga amathathu kwaphela.

Ngaphasi kobujamo obulandelako kusetjenziswa umtlolo oyimvumo wekoloyi okhethekileko:

• Nakuhlolwa umhlobo loyo wekoloyi;
• Ikoloyi nayithunyelwa nanyana ibuyiswa endaweni ethileko engenarheni lapha beyiyokulungiswa khona;
• Lokha ikoloyi ifikelele isibalo esithileko sobudisi esibekiweko; nanyana
• Nakwemukwa umuntu ikoloyi ngaphasi kwamandla womthetholawulo wama-69.

Kuqakathekile ukuyelela bona ikoloyi enomtlolo wemvumo okhethekileko ayikavunyelwa bona ilayitjhe ipahla nanyana abakhweli. Akunambandela wokuthi umnikazi ngamunye anganikelwa imitlolo eyimvumo emingaki.

Okufanele ukwenze

1. Vakatjhela iziko lokutlolisa iinkoloyi elisemthethweni langekhenu uphethe okulandelako:
   • ikhophi kaMazisi wakho
   • imali eyimbadela ebekiweko.
2. Zalisa iforomo lesiBawo lomTlolo oyimVumo weKoloyi wesiKhatjhana nanyana oKhethekileko (TSP1).

Isikhathi esibekiweko

Isibawo sisetjenzwa besiqedwe ngelanga linye.

Kubiza malini

Fumana ilwazi  mayelana neendleko ezikweni lokutlolisa iinkoloyi elisemthethweni langekhenu.

Amaforomo ekufanele uwazalise

IForomo lokufaka isibawo semVumo yesiKhatjhana nanyana eKhethekileko (TSP1) elifumaneka ezikweni lokutlolisa iinkoloyi nanyana kubunzinzolwazi be-eNatis.

Ungathintana nobani