Sicelo semvumo yemoti yesikhashana

Ngesi yesitfutsi yesikhashana nome lekhetsekile

Imvume yesikhashana yesitfutsi iba ngeyemalanga langema-21 kantsi isetjentiselwa sitfutsi lesibhalisiwe, lesitselile nalesifaneleka kuba semgwacweni.

Imvume yesikhashana isetjentiswa ngaphasi kwaletimo letilandzelako:

• Kudiliva leso sitfutsi kumnikati kepha kube ngekhatsi eRiphabhliki,
• Kudiliva leso sitfutsi kumtsengisi wetimoto ngekhatsi eRiphabhliki nome kwentiwe nguye umtsengisi wetimoto, nome
• Ngetinhloso tekubhalisa nekutselela leso sitfutsi.

Kukhishwa imvume yinye kuphela yebunikati besitfutsi.

Imvume yesitfutsi lekhetsekile iba yemalanga lamatsatfu nje kuphela.

Imvume yesitfutsi lekhetsekile isetjentiswa ngaphasi kwaletimo letilandzelako:

• Kuvivinya leso sitfutsi;
• Kuya nome kubuya endzaweni lapho beyilungiswa khona leyo moto kepha kube  ngekhatsi eNingizimu Afrika;
• Kuyimikisa kumhloli wetitfutsi nome kumshini lokala sisindvo; nome
• Kushayela sitfutsi lesidliwe njengekusho kwesimiso sema-69

Kumcoka kutsi ucaphele kutsi sitfutsi lesinemvume lekhetsekile asikavunyelwa kutsi sitfwale timphahla nome sikhwete bagibeli. Kute umkhawulo welinani letimvume tebunikati letingakhishwa.

Yini lekumele uyente

1. Yani ehhovisi lekubhalisa imvume lelisedvute naloku lokulandzelako:
   • ikhophi yamatisi wakho
   • imali lencunyiwe.
2. Gcwalisa lifomu (i-TSP1) lesicelo Semvume Yesikhashana/Lekhetsekile.

Sikhatsi semsebenti

Sicelo sisetjentwa ngalelo langa.

Ngabe kubita malini

Tfola ehhovisi lakho lendzawo kutsi malini.

Emafomu lagcwaliswako

Lifomu (i-TSP1) lesicelo Semvume Yesikhashana/Lekhetsekile litfolakala ehhovisi lekubhalisela imvume nome kuwebhusayithi i-eNatis.

Ngubani longamutsintsa