Kgopelo ya phemiti ya lebakanyana goba ya go ikgetha ya phemiti ya koloi

Ka ga go dira kgopelo ya lebakanyana goba ya go ikgetha ya phemiti ya koloi

Phemiti ya lebakanyana ya koloi e šoma matšatši a 21 gomme e fiwa koloi ye e loketšego tsela. Koloi e tee e fiwa phemiti e tee fela.

Phemiti ya go ikgetha ya koloi e šoma matšatši a 3 gomme koloi yeo ga a swanela go rwala dithoto goba banamedi. Ga go na le tekanetšo ka palo malebana le palo ya diphemiti tše di fiwago.

O nyakega phemiti ya lebakanyana ya koloi ge e le gore o tlo otlela koloi yeo gore e ye go ngwadišwa, o e iša lefelong la go rekiša dikoloi, go dira diteko ka koloi yeo, go iša koloi yeo go yo lokišwa goba go boa moo, go fihlella molekodi wa dikoloi, goba go tšea koloi yeo.

Seo o swanetšego go se dira

Eya ofising ya kgauswi le wena ya go ngwadiša dikoloi o swere:

khopi ya pukwana ya gago ya boitsebišo
tšhelete ye e beilwego.

Tlatša fomo ya TSP1 (Kgopelo ya phemiti ya lebakanyana/ ya go ikgetha).

Lebaka

Kgopelo e phethwa ka lona letšatši leo e dirilwego ka lona.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

Fomo ya TSP1 (Kgopelo ya phemiti ya lebakanyana/ ya go ikgetha.

Difomo di hwetšagala ofising efe le efe ya go ngwadiša dikoloi goba mo websaeteng ya eNaTIS.