Khumbelo ya thendelo ya tshifhinganyana kana ya tshiendedzi

Ngaha khumbelo ya thendelo/phemiti ya tshifhinganyana kana ya tshiendedzi

Phemithi ya tshiendisi ya tshifhinga nyana i shuma lwa maḓuvha a 21 kha tshiendisi tsho ṅwaliswaho, tshi re na ḽaisentse na tsho lugela u tshimbila badani.

Phemithi ya tshifhinga nyana i shumiswa nga fhasi ha nyimele dzi tevhelaho:

• U isa tshiendisi kha muṋe watsho henefha kha Riphabuḽiki,
• U isa tshiendisi kana murengisi wa zwiendisi henefha kha Riphabuḽiki
• Hu tshi itelwa u ṅwaliswa na ḽaisentse

Phemithi nthihi i bviselwa vhuṋe ha tshiendisi tshithihi.

Phemithi ya tshiendisi tsho khetheaho i shuma lwa maḓuvha mararu fhedzi.

Phemithi ya tshiendisi tsho khetheaho i shuma nga fhasi ha nyimele dzi tevhelaho:

• Hu tshi khou lingwa tshiendisi tshenetsho;
• U ya kana u humela fhethu henefha kha Riphabuḽiki hune ya khou lugiswa kana he ha lugiswa tshiendisi tshenetshi;
• U swikelela mulingi wa tshiendisi kana tshishumiswa tsha u ela tshileme; kana
• U dzhiwa murahu ha tshiendisi tshenetshi sa zwo sumbedziswaho kha ndaulo 69.

Ndi zwa ndeme u dzhiela nṱha uri tshiendisi tshi re na phemithi yo khetheaho a tsho ngo tea u hwala thundu kana vhaṋameli. A huna tshikalo tsho vhewaho tsha tshivhalo tsha phemithi tshine tsha nga bviswa u ya nga vhuṋe ha tshithu.

Zwine vha tea u ita

1. Kha vha ye kha vha maanḓalanga a vhuṅwalisi na zwi tevhelaho:
   • khophi ya ḽiṅwalo ḽavho ḽa vhuṋe
   • mbadelo yo randelwaho.
2. Vha ḓadze fomo ya TSP1 (Khumbelo ya khumbelo ya Phemithi/Thendelo ya Tshifhinganyana/Yo khetheaho).

Tshifhingambekanywa

Khumbelo i fhela nga ḓuvha ḽeneḽo.

Zwi ita vhugai

Kha vha kwame ofisi yavho yapo ya ḽaisentsi u vhudzisa mutengo.

Fomo dzi no tea u ḓadzwa

Fomo ya TSP1 (Khumbelo ya khumbelo ya Phemithi/Thendelo ya Tshifhinganyana/Yo khetheaho)

Fomo dzi wanala kha senthara ya ndingo kana vha i bvisa kha webusaithi ya eNATIS.

Vha kwama inyi