U na mfanelo yo herisa vukati ntsena loko:
- U nga nyika vumbhoni ekhoto leswaku wena na nuna/nsati wa wena mi nga ka mi nga hanyisani swin'we na leswaku ku hava na ndlela yo lulamisa ku holava ka n'wina.
- Loko un'wana exikarhi ka n'wina a ri na mavabyi ya miehleketo kumbe u tshama a titivarile
A wu lavi mpfumelelo wa nuna wa wena ku herisa vukati. Loko ku ri leswaku nuna/nsati a nga lavi ku herisa vukati, u nga ha kuma ku herisa vukati handle ka mpfumelelano wa yena.
Eka swiyimo swo hlawuleka u nga ha endla leswaku vukati bya wena byi endliwa lebyi nga riki enawini. Ku va byi nga ri enawini swi hambana na ku herisa hikuva a ko n’okisiwa vukati ntsena kambe byi tlhela byi suriwa eka matsalwa.
Ku hambana xinawu a swi kona eAfrika-Dzonga hambiloko u nga ha tshami na nuna wa wena naswona u nga herisangi vukati. Hi ku ya hi nawu, wa ha tekiwile.
U nga ha herisa vukati hambi ku ri eKhoto ya Rhijini ya Khoto ya Majisitarata loyi a nga na vulawuri bya ndhawu ya ka n'wina kumbe eKhoto ya le Henhla.
Ku sungula phurosese yo herisa vukati u fanele ku rhumela masamanisi. Masamanisi ya fanele ku rhumeriwa hi ku va munhu a ya kunene eka mumangaleriwa hi murhumiwa wa le khoto.
Ku na tinxaka timbirhi ta ku herisa vukati, ku herisa vukati loku kanetiwaka na loku nga kanetiwiki.
Ku herisa vukati loku nga kanetiwiki i ko antswa na ku pfuna ku hlayisa mali eka matlhelo hinkwawo lawa ya khumbekaka. Ku nga ha hetisisiwa eka mavhiki yamune. Loko ku ri leswaku ku herisa vukati ka kanetiwa swi nga ha teka kwalomu ka malembe yambirhi ku ya eka yanharhu, kambe ku herisa vukati loku kanetiwaka ko tala ku fikeleriwa ntwanano ku nga si fika siku ro ya ekhoto.
Vukati wanuna na wansati byo sayina na vukati bya xintu byi fanele ku nókisiwa hi khoto.
Xiyaxiya: Ku herisa vukati loku mumangaleriwa a nga hlamuriki hi nkarhi lowu vekiweke ku yelana na ku herisa vukati loku nga kanetiwiki. Leswi swi tirha loko muringani wa wena a nga hlamuli na switsanana eka ku herisa vukati.
- Muringani wa wena u ta kuma masamanisi na siku leri a faneleke ku hlamula harona.
- Loko va nga hlamuli, u nga endla xikombelo eKhoto ya le Henhla, ku yi nghenisa eka nxaxamelo.
- Khoto yi ta teka xiboho hi ku ku yimela na ku herisa vukati bya wena.
Ku herisa vukati ko tiendla hi wexe
Ku herisa vukati ko tiendlela hi wexe ku fikisiwa emakumu handle ko pfuniwa hi gqweta, hikokwalaho i ku hlawula ko hlayisa mali swinene. Ku herisa vukati handle ka gqweta ku nga ha endliwa hi tindlela timbirhi:
- Khoto ya majisitarata ya ka n'wina yi nga ku nyika tifomo leti faneleke na ku ku letela hi hilaha u nga hetisisaka hakona ku herisa vukati bya wena handle ko va na vuyimeri bya swa nawu.
Ku herisa vukati hi wexe ku nga ha va ku hlawula loko ku ri leswaku:
- ku herisa vukati bya wena a ku kanetiwi;
- ku herisa vukati bya wena a swi tiki;
- mi tekanile xinkadyana;
- a mi na tinhundzu to tala ku va mi avelana;
- ku hava mikwetlembetano hi mayelana na vana vahi na vahi; na/kumbe
- u tiyimiserile ku endla mafambiselo hinkwawo hi wexe.
Ku kuma mahungu hi xitalo tihlanganise na Ndzawulo ya Vululami na Nhluvukiso wa Vumbiwa
