O na le maswanedi fela a go dira tlhalo ge:
- o ka fa kgorotsheko bohlatse bja gore wena le molekane wa gago le ka se sa kgona go dula mmogo le gore ga go kgonagale gore le tla rarolla diphapano tša lena.
- e le gore yo mongwe wa molekane o a fokola ka monaganong goba o phela o idibetše dinako ka moka
Ga se wa swanela go hwetša tumelelo ya go hlala go monna wa gago. Ge e le gore molekane wa gago ga a nyake go hlala, o ka fiwa tumelelo ya go hlala ka ntle le tumelelo ya gagwe.
Mabakeng ao a kgethegilego go ka dirwa gore lenyalo la lena le phumolwe. Go phumolwa ga lenyalo go fapana le go hlala ka ge go sa fediše lenyalo fela eupša go le tloša dipegong tša semmušo.
Karogano ya semolao ga e gona ka Afrika Borwa le ge e le gore ga o sa dula le monna wa gago gomme le se la hlalana. Go ya ka molao, le sa nyalane.
Le ka hlalana ka go Kgorotsheko ya Selete ya Kgorotsheko ya Maseterata ye e nago le maatla a semolao ka lefelong la lena goba ka go Kgorotsheko ya Godimo.
Go thomiša ka tshepedišo ya go hlala o swanetše go dira ditaelo tša go hlaga pele ga kgorotsheko. Ditaelo tša go hlaga pele ga kgorotsheko tša mabapi le go hlala di swanetše go fiwa yo o hlalanago le yena ka letsogo ke šerifi ya kgorotsheko.
Go na le mehuta ye mebedi ya ditlhalo, tlhalo ya go phenkgišanelwa le ya go se phenkgišanelwe.
Tlhalo ya go se phenkgišanelwe ke ye kaone ebile ga e je tšhelete kudu go bobedi bja banyalani bao ba amegago. Yona e ka phethwa mo dibekeng tše nne. Ge tlhalo e phenkgišanelwa e ka tšea magareng ga mengwaga ye mebedi go fihla go ye meraro, eupša bontši bja ditlhalo tše di phenkgišanelwago di fedišwa ka pele, pele ga ge di ka leba kgorotshekong.
Lenyalo la semmušo le lenyalo la setšo a swanetše go fedišwa ke kgorotsheko.
Hlokomela: Tlhalo ya tirelwa e swana le tlhalo ya go se phenkgišanelwe/ye go sa thulanwego go yona. Se se šoma ge molekane wa gago a sa fetole mangwalo a tlhalo ka moka.
- Molekane wa gago o tla amogela ditaelo tša go hlaga pele ga kgorotsheko tšeo di nago le letšatšikgwedi la go fetola taelo yeo.
- Ge a sa fetole, o ka dira kgopelo go Kgorotsheko ya Godimo, gore e tsenywe lenaneong.
- Kgorotsheko e tla tšea sephetho legatong la gago gomme ya fediša lenyalo.
Ditlhalo tšeo o itirelago tšona
Ditlhalo tšeo o itirelago tšona di fedišwa ka ntle le thušo ya ramolao, gomme ke kgetho ya go se ture. Go hlala ka ntle le ramolao go ka dirwa ka mekgwa ye mebedi:
- Kgorotsheko ya maseterata ya geno e ka go fa difomo tša maleba gomme ya go bontšha ka fao o ka phethagatšago tlhalo ya gago ka ntle le moemedi wa semoalo.
Go itirela tlhalo ya gago e ka ba kgetho ye e lokilego ge:
- tlhalo ya gago e sa phenkgišanelwe;
- tlhalo ya gago e se ya hlakahlakana;
- le nyalane lebaka le lekopana;
- le se na thoto ye ntši yeo le swanetšego go e arolelana;
- go se na dithulano mabapi le bana; le/goba
- o ikemišeditše go dira mošomo wa tshepedišo ka bowena.
Go hwetša tshedimošo ka botlalo ikgokaganye le Kgoro ya Toka le Tlhabollo ya Molaotheo
