Ungadivosa kuphela uma ngabe:
- Ungakhona kukhombisa inkantolo bufakazi bekutsi wena kanye naloyo loshade naye angeke nisakwati kuhlala kanyekanye futsi kute ngisho nelitsemba lekutsi ningatisombulula tinkinga tenu.
- Uma ngabe munye walaba labashadene ugula engcondvweni noma uyacaleka njalo nje.
Awudzingi kutfola imvume endvodzeni yakho yekutsi udivose. Uma ngabe loyo loshadene naye akafuni kudivosa, unganikwa idivosi ngaphandle kwemvume yakhe.
Etimeni letitsite umshado wakho ungapheliswa kube sengatsi awutange sewube khona. Kupheliswa kwemshado kube sengatsi awutange sewube khona akufanani nedivosi ngekutsi kona akuwucitsi nje kuphela umshado kepha kuphindze kuwesule uphume kumarekhodi.
Kwehlukana ngekwemtsetfo kute eNingizimu Afrika ngisho noma ngabe awusahlali nendvodza yakho kantsi futsi awukadivosi. Ngekuya kwemtsetfo, useseshadile.
Ungadivosa mhlawumbe eNkantolo yeSifundza yeNkantolo yaMantji lekunguyona indzawo yakho lohlala kuyo ingaphasi kwayo noma-ke eNkatolo Lephakeme.
Kute ucale inchubo yedivosi ufanele kutsi unike loyo lomdivosako lisamane. Umuntfu lodivoswako ufanele kutsi anikwe matfupha lisamane ledivosi yesherifi yenkantolo.
Timbili tinhlobo tedivosi, idivosi lephikiswako kanye nedivosi lengaphikiswa.
Idivosi lengaphikiswa ikahle kakhulu futsi ayiwaduleli onkhe lawo macembu ladivosako. Ingaphetfwa kungakapheli emaviki la-4. Uma ngabe idivosi iyaphikiswa kuphetfwa kwayo kungatsatsa emkhatsini weminyaka le-2 - 3, kepha emadivosi lamanyenti laphikiswako aphetfwa kusesenesikhatsi lesinyenti sekutsi iyotsetfwa enkantolo.
Umshado wesilungu newesintfu idzinga kutsi ihlakatwe yinkantolo.
Caphela: Idivosi lephutsiwe iyafana nedivosi lengaphikiswa. Loku kusebenta uma ngabe umlingani wakho akaphendvuli sanhlobo kuledivosi.
- Umlingani wakho utawutfola lisamane lelinelusuku lwekutsi aphendvule ngalo.
- Uma ngabe akaphendvuli, ungafaka sicelo eNkantolo Lephakeme, kutsi iyifake eluhlwini lemacala latawutsetfwa.
- Inkantolo itawuncuma egameni lakho bese iyawuphelisa lomshado.
Kutentela wena idivosi
Emadivosi lotentela wena lucobo lwakho aphetfwa ngaphandle kwekusitwa ngummeli, futsi-ke aluhlubo lolushiphe kakhulu. Kudivosa ngaphandle kwemmeli kungentiwa ngetindlela letimbili:
- Inkantolo yakho yamantji yendzawo ingakunika emafomu lafanele iphindze futsi ikusite ikukhombise kutsi ungayephetsa kanjani idivosi yakho ngaphandle kwekumelelwa bemtsetfo.
Kutentela yakho idivosi kungaba yintfo loyikhetsako uma ngabe:
- idivosi yakho ayiphikiswa;
- idivosi yakhe ayisimatima;
- bewushade sikhatsi lesincane;
- ute imphahla lenyenti lefanele kutsi nehlukaniselane yona;
- kute tincabano mayelana nebantfwana; noma
- ulungele nekutentela wena ngekwakho wonkhe umsebenti wekulawula.
