Okuphathelene
Okufanele ukwenze
Kuthatha Isikhathi Esingangani
Kubiza malini
Amaforomo ekufanele uwazalise
Ungathintana nobani
Malungana nokwenza isibawo semvumo yokumayina
Nawufuna ukwenza imisebenzi yokumayina, kufanele ufumane imvumo yokumayina emNyangweni wemiThombo yezeNjiwa (i-DMR). Imvumo yokumayina mtlolo okhutjhwa yi-DMR, ekuvumela ukwenza imisebenzi yokumayina.
Akunamuntu ovunyelwe ukumayina ngaphandle kwemvumo yokumayina.
Imvumo yokumayina ayiphisanwa namkha idluliselwe komunye. Imvumo yokumayina isebenza kwaphela ngesikhatheso esitlolwe kiyo, kodwana ayikwazi ukweqa eminyakeni emibili. Nokho-ke ingavuselelwa amahlandla amathathu, ihlandla ngalinye lingadluli emnyakeni munye.
Imvumo yokumayina itholakala kwaphela
- Isenjiwa ekufanele senjiwe lapho singenjiwa indima ekulu iminyaka emibili
- Indawo ekufanele kwenjiwe namkha kumayinwe kiyo ayidluli i-1,5 ha ngobukhulu.
Okufanele ukwenze
- Faka isibawo nge-inthanethi.
- Bhadela imali yesibawo efunekako, engabuyiswako nalokha ufake isibawo nge-inthanethi.
- IRherho lomtjhiningqondo lizakwamukela isibawo sakho kwaphela lokha sifikelele yoke imibandela ebekiweko.
- Isibawo sakho sizakuthi singamukelwa besavunywa, umphathi wesiphande uzakukhombela bona uthumele ihlelo lakho lokulonda ibhoduluko, ukhulumisane nomnikazinarha kunye nomuntu ohlezi endaweni leyo ngokusemthethweni kunye nanyana ngubani omunye othintekako endabeni le.
- Thumela umphumela wokukhulumisana nalabo ebewukhulumisana nabo kumphathi wesiphande kungakapheli ama-30 wamalanga.
- UNgqongqotjhe wemiThombo yezeNjiwa uzakukhupha imvumo yokumayina nakube yoke imibandela efunekako seyifikelelwe.
Kuthatha Isikhathi Esingangani
IRherho lokuLawulwa kwezeNjiwa leSewula Afrika lizakwazisa khonokho nayibe isibawo sakho siphumelele ( lokhu-ke kuzabe kutjho ukuthi ufikelele yoke imibandela efaneleko).
Kubiza malini
Thintana nomNyango wemiThombo yezeNjiwa kobanyana uzokuhlathululela ngeendleko zalomsebenzi.
Amaforomo ekufanele uwazalise
Zoke iimbawo kufanele zifakwe nge-inthanethi.