Etsa kopo ya tumello ya ho rafa

Dintlha mabapi le ho etsa kopo ya tumello ya ho rafa

Ha o batla ho tsamaisa ditshebetso tsa ho rafa o hloka ho fumana tumello ya ho rafa ho tswa ho Lefapha la Mehlodi ya Dirashwa (DMR).

Tumello ya ho rafa ke tokomane e ntshwang ke DMR e o dumellang ho tsamaisa ditshebetso tsa ho rafa. Ha ho motho ya dumelletsweng ho rafa ntle le tumello ya ho rafa. Ditumello tsa ho rafa ha di ananywe.

Tumello ya ho rafa e molaong bakeng sa nako e boletsweng tumellong, empa ha e ya tshwanela ho feta dilemo tse pedi. Le ha ho le jwalo e ka nna ya ntjhafatswa makgetlo a mararo a sa feteng selemo ka bonngwe.

Tumello ya ho rafa e ka ntshwa ha feela:

serashwa seo ho sekasekwang ka sona se ka rafshwa ka botlalo ka dilemo tse pedi
sebaka sa ho rafa se sa fete boholo ba 1,5 ha.

Seo o tshwanelang ho se etsa

Etsa kopo inthaneteng.
Patala tefello e behilweng, e sa busetsweng morao inthaneteng.
Tsamaiso e tla amohela kopo ha feela ditlhoko kaofela di fihlelletswe.
Hang ha kopo ya hao e amohetswe, motsamaisi wa lebatowa o tla kopa hore o romele moralo wa tsamaiso ya tikoloho mme o ikopanye le monga mobu le mohiri ya molaong wa naha le mokga ofe kapa ofe o amehang.
Romela sephetho se ngotsweng sa therisano ho motsamaisi wa lebatowa matsatsing a 30.
Letona la Mehlodi ya Dirashwa le tla ntsha tumello ya ho rafa ha e le hore ditlhoko di a fihlellwa.

Ho nka nako e kae

Mokgwa wa Tsamaiso ya Mehlodi ya Dirashwa tsa Aforika Borwa o tla o tsebisa hanghang haeba kopo ya hao e amohetswe (sena se bolela hore o fihlelletse ditlhoko kaofela).