Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo
Ka ga kgopelo ya go epa
Ge o nyaka go dira ditiro tša go epa o hloka go hwetša tumelelo ya go epa go Kgoro ya Methopo ya Diminerale.
Tumelelo ya go epa ke tokumente yeo e hlagišitšwego ke Kgoro ya Methopo ya Diminerale yeo e go dumelelago go dira ditiro tša go epa.
Ga go na motho yo a dumeletšwego go epa ntle le tumelelo ya go epa.
Ditumelelo tša go epa ga di fetišetšwe. Maikemeišetšo a tšona ke go laola go kopola le go epa, go lebeletšwe maphelo le tšhireletšo, taolo ya tikologo le maikarabelo a go epa diminerale.
Tumelelo ya go epa e tšea nako yeo e ngwadilwego mo tumelelanong, eupša e ka se fete mengwaga ye mebedi. Eupša e ka mpshafatšwa dipaka tše dingwe tše tharo tša go se fete ngwaga.
Tumelelo ya go epa e ka hlagišwa felwa ge:
- minerale wo go bolelwago ka wona o ka epša ka bontšhi mo mengwageng ye mebedi
- lefelo la go epša ga le fete bogolo bja 1.5 ha.
Seo o swanetšego go se dira
- Dira kgopelo ka ithanete
- Lefa tefo yeo e boletšwego, yeo e sa bušetšwego morago ka ithanete.
- Mokgwa wo o šomišwago o tla amogela kgopelo ge dinyakwa ka moka di fihleletšwe.
- Ge kgopelo ya gago e amogetšwe, molaodi wa selete o tla kgopela gore o tliše peakanyo ya taolo ya tikologo gomme o boledišane le monyenaga le modudi wa semolao wa naga le bao ba amegago ka moka.
- Iša dipoelo tša go ngwalwa tša poledišano go molaodi wa selete mo matšatšing a 30.
- Tona ya Methopo ya Diminerale o tla hlagiša tumelelo ya go epa ge dinyakwa ka moka di fihleletšwe.
Lebaka
Mokgwa wa Taolo wa Methopo ya Diminerale wa Afrika Borwa o tla go tsebiša ka bjako ge kgopelo ya gago e amogetšwe (se se ra gore o fihleletše dinyakwa ka moka).
Diforomo tšeo di swanetšwego go tlatšwa
Dikgopelo ka moka di swanetšwe go dirwa ka inthanete.