Sicelo selayisensi yesikebhe sekudoba sasekhaya

Ngesicelo sencwadzi yemtsetfo lekuvumela kutsi udobe ngemkhumbi

Kuze usebentise umkhumbi wekudoba eNingizimu Afrika, lomkhumbi wakho kufanele ubhaliswe nelive laseNingizimu Afrika. Kufanele ufake sicelo sesitifiketi sekuphepha kuNhlangano yeTekuphepha Elwandle (South African Maritime Safety Authority) kanye nencwadzi yemtsetfo yekudoba ngemkhumbi eTikweni leTetinsimi, Tetihlahla kanye neTetimfishi eKapa.

Kuze ufaneleke kufanele ube:

• Ngumhlali wase Ningizimu Afrika lophetse lomkhumbi ngalokuphelele noma.
• Inkapane noma inhlangano lebhalisiwe eNingizimu Afrika lenemhlali wase Ningizimu Afrika lophetse incenye kanye nemandla ekuvota lamaningi kulenhlangano.

Nasikhuluma ngemkhumbi wekudoba sifaka onkhe emathulusi ladzingekako, indzawo yekubeka, umkhumbi kanye nemafutsa emkhunjini. Kungafaka futsi nalomunye umkhumbi lositako elwandle emsebentini wekudoba.

Loku kufaka lolokulandzelako kepha akugcini kulolokubaliwe:

• kulungiselela
• kuniketa tinsita
• indzawo yekubeka
• indzawo yemakhata
• kuhambisa kanye nekucwaninga umtfwalo
• kudoba endzaweni lebekelwe kudobela kwenta imali (EEZ) emantini emave kepha leyabelwe iNingizimu Afrika.

Naka: kulicala kusebentisa umkhumbi longakabhaliswa. Uma ungenawo emalungelo ekudoba kufanele ube nesivumelwane nalonalo lelo lilungelo kuze usebentise lomkhumbi.

Umkhumbi lobhaliselwe  kudobela kutsengisa angeke usetjentiselwe kudobela kudlala.

Umkhumbi lobhaliselwe kudobela kutsengisa unelilungelo lelihlukile futsi kufanele usetjentiselwe loko kuphela.

Sikhatsi sencwadzi yemtsetfo yekudoba usibona kulesitifiketi saka Samsa. Sikhatsi sekusebentisa lencwadzi yemtsetfo siyalingana nalesesitifiketi sakaSamsa.

Yini lekumele uyente

1. Lungisa lomkhumbi kutsi uye kuyowuhlolwa yiSamsa kuze utfole sitifiketi setekuphepha.
2. Tfola lifomu lesicelo sekusebentisa umkhumbi. Ligcwalise ngemagama lamakhulu kuphela.
3. Faka:
   • ikhophi lecinisekisiwe yesitifiketi sakaSamsa sakho:
   • ikhophi lecinisekisiwe yesivumelwano sakho nemphatsi lilungelo (uma wena ute lelo lungelo).
   • ikhophi lecinisekisiwe yemchumanisi (nakufanele)
   • incwadzi yeligunya (uma umuntfu wesitsatfu entela umphatsi sicelo)
4. bhadala imali lefanelekile:
   Libhange: First National Bank
   Inombolo:62123256382
   Bunjalo: Current
   Ligama: Marine Living Resources Fund
   Ligama lelilunga: Corporate Account Services Account Services Cape Town
   Ikhodi yelilunga: 204-109
   Shayela lusito ku 021 402 3911 / 086 000 3474 kutsi utfole sicondziso
   Ungabhadala ngemali matfupha noma ebhange (EFT). Sicela unake kutsi uma ubhadale nge EFT libhange kungasiyo iFirst National Bank kutoba nekubambeleleka lokuma awa langu 24.
5. Mikisa sicelo sakho kuLitiko leTeinsimi, Tetihlahla kanye neTetinsimi, Private Bag x2, Roggebai, Cape Town 8012.
6. Mikisa siciniseko sekhudala ngefaxi kuLabasita Batsengi ku 021  402 3362/3670/3081 ucele siciniseko sekutsi ubhadalile.
7. Noma ungavakashela Labasita Batsengi eGround Floor, Foretrust Building, Martin Hammerschlag Way, Foreshore, Cape Town kwenta sicelo. Sicela uletse emakhophi lacinisekisiwe awo onkhe emaphepha ladzingekako nemali ledzingekako.

Sikhatsi semsebenti

Sicelo singatsatsa emalanga ekusebenta lamatsatfu kuya etulu kusukela lilanga lekubhadala uma usifake kahle sicelo sakho.

Ngabe kubita malini

Tariffs for each service is reflected on the application form. 

Emafomu lagcwaliswako

Application for a local fishing vessel licence

Ngubani longamutsintsa