Leselawatle La Ka Nageng Go Thea Dihlapi

Ka ga malebana le go dira kgopelo ya laesense ya sekepe sa go rea dihlapi

Go šomiša sekepe sa go rea dihlapi ka mo Afrika Borwa, sekepe se swanetše go ngwadišwa ka fase ga melao ya mmušo wa Afrika Borwa. O swanetše go dira kgopelo ya setifikeiti sa polokego go tšwa go Lekala la Polokego ya Dikepe la Afrika Borwa (Samsa) le ya laesense ya sekepe sa go rea dihlapi go tšwa go Kgoro ya Temo, Dikgwa le Boreahlapi go la  Cape Town.

Go kgotsofatša dinyakwa, o swanetše go ba:

• Moafrika Borwa wa go ba le maswanedi ka botlalo a go laola le go ba mong wa sekepe, goba
• Setlamo sa tšhomišano, mokgatlo goba mokgatlo wo mongwe wo o ngwadišitšwego ka mo Afrika Borwa wo ka gare ga wona Moafrika Borwa a laolago bontši bja dišere le ditokelo tša go kgetha.

Sekepe sa go rea dihlapi sa selegae se akaretša diaparo, didirišwa, mabolokelo, thoto le makhura a sekepe ka gare. Se ka akaretša le sekepe se sengwe goba go feta tša go thuša.

Mediro  ye e akaretša tse di latelago, eupša ga e felele go ye:

• boitokišetšo
• kabo
• bobolokelo
• botšedifatši
• tshepetšo ka senamelwa goba tšweletšo
• go kgatha tema thwii medirong ya go rea dihlapi ka gare ga Zoune ya Ekonomi ya Kgethollo (EEZ)/meetse a boditšhabatšhaba ka fase ga melao ya mmušowa Afrika Borwa.

Ela hloko. Ga go molaong go šomiša sekepe se se sa ngwadišwago. Ge o se na ditokelo tša go rea dihlapi, o swanetše go ba le kwano le mongtokelo ya go rea dihlapi gore o kgone go šomiša sekepe sa gago.

Sekepe sa go rea dihlapi se se ngwadišeditšwego tša kgwebo se ka se šomišetšwe tša boithabišo.

Dikepe tša go rea dihlapi tše di ngwadišeditšwego tša kgwebo di amanywa le tokelo ye itšeng ya go rea dihlapi gomme di ka šomišetšwa tokelo yeo fela.

Lebaka la go šoma ga laesense ya sekepe sa go rea dihlapi le tswalana le lebaka la go šoma ga setifikeiti sa Samsa. Laesense ya sekepe sa go rea dihlapi e šoma lebaka la go swana le la setifikeiti sa Samsa.

Seo o swanetšego go se dira

1. Beakanyetša sekepe go ya tlhahlobong ya go lokela lewatle ya Samsa go hwetša setifikeiti sa polokego.
2. Taonelouta foromo ya kgopelo ya laesense ya sekepe sa go rea dihlapi ya selegae. Tlatša foromo ka ditlhaka tše di kgolo.
3. Kgorametša:
   • khopi ye e kgonthišišitšwego ya setifikeiti sa gago sa bjale sa Samsa.
   • khopi ye e kgonthišišitšwego ya setifikeiti  kwano le mongtokelo (e go ama fela ge o se mongtokelo)
   • khopi ye e kgonthišišitšwego ya leswao la dikgokagano tša radio (ge go le bjalo)
   • lengwalo la tumelelo (le nyakega ge motho wa boraro a le gona legatong la mong wa sekepe).
4. Lefa tšhelete ye e beetšwego ka go e lokela ka akhaonteng ye e latelago:
   Panka: First National Bank
   Nomoro ya akhaonte: 62123256382
   Mohuta wa akhaonte: Current
   Leina la akhaonte: Marine Living Resources Fund
   Leina la lekala: Corporate Account Services CapeTown
   Khouto ya lekala: 204-109
   Leletša senthara ya tirelo ya badiriši go 021 402 3911 / 086 000 3474 go hwetša nomoro ya referentshe.
   O ka lefa ka tšhelete ya seatleng (kheše) goba ka phetišetšo ya tšhelete ya elektroniki (EFT). Hle lemoga gore ge EFT e sa dirwa First National Bank go tla ba le titelego ya diiri tše 24.
5. Romela kgopelo go Kgoro ya Temo, Dikgwa le Boreahlapi, Mokotla wa Poso X2, Roggebaai, Cape Town, 8012.
6. Feksetša bohlatse bja tefelo go Senthara ya Tirelo ya Badiriši go 021 402 3362/3081/3670 gomme o kgopele bohlatse bja kamogelo ya tefo.
7. Goba, etela Senthara ya Tirelo ya Badiriši , Lebato la ka Fase, Moago wa Foretrust, Martin Hammerschlag Way, Foreshore, Cape Town go dira kgopelo. O kgopelwa go tliša dikhopi tša go kgonthišišwa tša ditokomane tše di nyakegago le tefo ye e nyakegago.

Lebaka

Kgopelo e ka tšea matšatši a mararo a mošomo goba go feta, go tloga ka letšatši la tiišetšo ya tefo, ge e le gore o dirile kgopelo ya gago ka tshwanelo.

E dira tshenyagelo ya bokae

Tariffs for each service is reflected on the application form. 

Diforomo tšeo di swanetšwego go tlatšwa

Application for a local fishing vessel licence

Dintlha tša boikopanyo