Xikombelo xa ku vuyiseriwa mali ya layisense

Hi ku endla xikombelo xo tlheriseriwa ntsengo wa layisense

Loko movha wa wena yi yiviwile, suriwile eka ntsariso kumbe ku bohiwe leswaku a ya ha ringanelangi ku tirhisiwa, u nga endla xikombelo ku tlheriseriwa ntsengo wa layisense ya movha.

Xikombelo xa wena xo tlheriseriwa xi fanele ku endliwa hi nkarhi lowu nga hundziki tin’hweti tinharhu endzhaku ko tivisiwa hi MEC wa xifundzankulu leswaku ntsariso wa movha wa wena laha wu tsarisiweke kona. Mali leyi u tlheriseriwaka yona yi ta hlayeriwa kan’we eka khumembirhi wa ntsengo wa layisense ya movha lowu hakeriweke eka movha wa wena eka n’hweti yin’wana na yin’wana laha movha layisense ya movha wa wena a yi nga si helela hi nkarhi.

Endzhaku ka loko xikombelo xa wena xi amukeriwile, MEC loyi a khumbhekaka a nga ku vuyisela mali kambe a nge ku vuyiseli ntsengo lowu nga le hansi ka R100.00.

Leswi u faneleke ku swi endla

1. Yana eka vulawuri bya ntsariso exifundzankulu laha u tsariseke kona movha u yise matsalwa laya landzelaka:
   • pasi ya wena
   • affidavhiti yo tiyisisa leswaku movha wu yiviwile, a ya ha ringanelangi ku tirhisiwa kumbe xitifikheti xo suriwa.
2. Tata fomo ya xikombelo yo tlheriseriwa ntsengo wa layisense - RLF.

Leswi u faneleke ku swi endla

Xikombelo xi humelerisa siku rero, kambe u vuyiseriwa mali ntsena endzhaku ka masiku mangari mangani hikwalaho ka endlelo ra tinkota ra le ndzeni.

Xana swi durha mali muni

Vukorhokeri lebyi i mahala.

Tifomo leti tatiwaka

Fomo ya  RLF (Xikombelo xo tlheriseriwa mali ya layisense) (Application for refund of licence fees (RLF) )

Tifomo ta kumeka eka hofisi yo rhijisitarela kumbe u nga ha tidawuniloda ku suka eka  webusayiti ya eNaTIS.

Vuxokoxoko bya vutihlanganisi