Sicelo sekubuyiselwa imali yetinhlawulo telayisensi

Ngesicelo sekubuyiselwa imali yetinhlawulo telayisensi

Uma sitfutsi sakho sintjontjiwe, sesuliwe nobe sincunyelwe kwekutsi asikafaneleki kwalomphelo kusetjentiswa, ungafaka sicelo sebuyiselwa imali yenhlawulo yelayisensi yesitfutsi.

Sicelo sakho sekubuyiselwa kwemali kumele sentiwe kuMEC wesifundza lapho kubhaliswe khona sitfutsi sakho ngekhatsi kwetinyanga letintsatfu ngemuva kwelusuku lwekwatiswa ngekwesula kwesitfutsi sakho. Imali yakho lebuyiswako itawubalwa ngakunye kulishumi nakubili kwetinhlawulo telayisensi yesitfutsi lebhadaliwe yesitfutsi sakho ngato tonkhe tinyanga tekusebenta kwelayisensi yesitfutsi sakho.

Ngemuva kwekutfolwa kwesicelo sakho, iMEC itakubuyisela imali yakho - kodvwa, linani lelingaphasi kwa R100 angeke libuyiswe.

Yini lekumele uyente

1. Yani ehhovisini lekubhalisa esifundzeni lapho ubhalise khona sitfutsi sakho naloku lokulandzelako:
   • matisi wakho
   • i-afidavithi lecinisekisa kwekutsi sitfutsi sakho sintjontjiwe, asikafaneleki kusetjentiswa kwalomphelo nobe sinesitifiketi sekwesulwa kubhaliswa.
2. Gcwalisa lifomu RLF (Lifomu Lesicelo Sekubuyiselwa Inhlawulo Yelayisensi).

Sikhatsi semsebenti

Lesicelo sentiwa ngelilanga linye, kodvwa imali lebuyiswako ibhadalwa ngemuva kwemalanga lambalwa ngenca yetinchubo tekucwaninga tangekhatsi.

Ngabe kubita malini

Lolusito lwamahhala.

Emafomu lagcwaliswako

Lifomu RLF (Sicelo Sekubuyiselwa Inhlawulo Yelayisensi) (Application for refund of licence fees (RLF) )

Emafomu ayatfolakala ehhovisini lekubhalisa nobe ungawakhipha kuwebhusayithi ye-eNaTIS.

Ngubani longamutsintsa