Kgutlisetswa tjhelete ya laesense ya koloi.

Dintlha ka mabapi le ho etsa kopo ya ho kgutlisetswa tjhelete ya laesense

Haeba koloi ya hao e utswitswe, boingodiso ba yona bo hlakotswe kapa e boletswe e sa lokela ho sebediswa motjha-o-tjhele, o ka etsa kopo ya ho kgutlisetswa tjhelete ya laesense ya koloi.

Kopo ya hao ya ho kgutlisetswa tjhelete e tlameha ho etswa ho MEC ya porovense eo koloi ya hao e neng e ngodisitswe ho yona nakong ya dikgwedi tse tharo kamora letsatsi la tsebiso ya ho hlakolwa ha boingodiso ba koloi ya hao. Tjhelete eo o e kgutlisetswang e tla sebetswa ka nngwe ho leshome le metso e mmedi ditjheleteng tsa laesense ya koloi tse lefelletsweng bakeng sa koloi ya hao, kgwedi e nngwe le e nngwe eo laesense ya koloi ya hao e leng molaong.

Kamora ho amohelwa ha kopo ya hao, MEC ya amehang a ka o kgutlisetsa tjhelete ya hao – leha ho le jwalo, tjhelete e ka tlase ho R100.00 e ke ke ya kgutliswa. 

O lokela ho etsang

1. Leba bolaoding ba boingodiso porovenseng moo o ngodisitseng koloi ya hao, o tshwere tse latelang:
   • bukana ya hao ya boitsebiso
   • afidaviti e netefatsang hore koloi e utswitswe, ha e a lokela ho sebediswa motjha-o-tjhele kapa e na le setefekeiti sa ho hlakolwa boingodisong ba makoloi.
2. Tlatsa RLF (Foromo ya Kopo ya ho Kgutlisetswa Tjhelete ya Laesense).

Nako ya tshebetso

Kopo e sebetswa letsatsing leo e entsweng ka lona, empa tjhelete e kgutliswang e leshwa feela kamora matsatsi a mmalwa ka lebaka la ditshebetso tsa ka hare tsa tlhahlobisiso ya ditjhelete

Ditjeo ke bokae

Tshebeletso ena ke mahala.

Diforomo tse tlatswang

Foromo ya RLF (Kopo ya ho kgutlisetswa tjhelete ya laesense)  (Application for refund of licence fees (RLF) )

Diforomo di fumaneha bolaoding ba boingodiso kapa o ka di fumana websaeteng ya eNaTIS.

Dintlha tsa ho iteanya