Loko u vavisekile, ku kuma vuvabyi kumbe ku lova loko u ri eku tirheni, wena kumbe lava u va hlayisaka va nga koxa eka nhlangano wa Ndziriso hi swa Timali.
Nhlangano wu hakela ndziriso eka vatirhi va nkarhi hinkwawo, vatirhi va nkarhinyana, valeteriwa lava nga vaviseka kumbe ku kuma vuvabyi loko va ri entirhweni naswona va nga lahlekeriwa hi muholo.
U koxa loko ku ve u:
- mutirhi wa nkarhi hinkwawo
- mutirhi wa le kaya endlwini leyi va bodisaku kumbe u tirha hi tlhelo ra endlelo ra bindzu
- munhu loyi a leteriwaka kumbe mutirhi loyi a leteriwaka epurasini
- mutirhi loyi a hakeriwaka hi ejensi ya mintirho.
U nge koxi loko ku ve:
- u mutirhi wa le kaya loyi a tirhaka ekaya ra xihundla
- u xirho xa Nkarhi hinkwawo xa Vusirheleri bya Rixaka bya Afrika-Dzonga laha u nga tirhela Rhiphabuliki hi ku ya hi xiyenge xa n’we xa Nawu wa Vusirheleri wa 1957
- u xirho xa Maphorisa ya Afrika-Dzonga laha u nga tirhela Rhiphabuliki hi ku ya hi xiyenge xa n’we xa Nawu wa Vusirheleri wa 1957
- u mutirhi loyi a nga tirheku ehansi ka vulawuri bya muthori, xikombiso munyiki wa wa ntirho wa le hansi ka muthori. Vatirhi lava nga thoriwa hi munhu wa le hansi ka muthori va sirheleriwa
- u n’winyi wa bindzu ra nhlanganelo
- u mutirhi loyi a nga tirha ehandle ka Afrika-Dzonga ku tlula tinhweti ta 12 u nga twananangi na Mulawuri-Angarhelo wa Ndzawulo ya Vatirhi
- u voniwile nandzu wo endla hi vomu, handle ka loko u gonokile swinene kumbe ku dlayiwa.
Tekela enhlokweni: Loko ku ve wena tani hi muthori, u lova hi vuvabyi byo yelana na ntirho kumbe ku vaviseka, vahlayisiwa va wena va nga koxa eka nhlangano.
Mimbuyelo ya Ndziriso yi nge hakeriwi loko ku ve:
- u mangarile nghozi eka muthori eka ku tlula tinhweti ta 12 endzhaku ka loko nghozi kumbe rifu, kumbe loko vuvabyi byi hlahluviwile
- a wu yangi entirhweni eka masiku manharhu ku ya ehansi, laha Nhlangano wu nga ta hakela mali ya vutshunguri
- nghozi yi humelerile hikwalaho ka futa ra wena kumbe ku endla swo biha (handle ka loko u gonokile swinene kumbe ku lova enghozini, nhlangano wa ha ta hakela ndziriso)
- u ala ku tshunguriwa hi ndlela yo ka yi nga amukeleki kumbe u ala ku vutshunguri hi ndlela ya vusopfa.
Kuma swo tala hi mayelana na ku koxa hi mhaka yo vaviseka entirhweni kumbe u tihlanganisa na nhlangano wa Ndziriso hi swa Timali.
