Nangabe uyalimala, utfola kugula noma kwenteka ushona usebenta, wena noma bomondliwa bakho bangafaka sicelo sekuncephetelwa Sikhwama Sesincephetelo.
Lesikhwama sincephetela tisebenti talomphelo, tisebenti tesikhashana letitsite, labaceceshwako kanye nalabafundzela umsebenti emsebentini labalimele nome labatfole kugula ngesikhatsi sekusebenta nome abasatfoli luholo ngenca yaloko.
Ungafaka sicelo sekuncephetelwa nangabe:
- ucashwe ngalokuphelele kwalomphelo
- usisebenti sasendlini lesihlala endlini lekhokhelwa irenti nome ucashwe ebhizinisini letsite
- ungulofundzela umsebenti emsebentini noma loceceshelwa kusebenta epulasini
- usisebenti lesikhokhelwa yi-ejensi yetisebenti.
Ungakwati kufaka sicelo sekuncephetelwa nangabe:
- usisebenti lesisebenta ekhaya lomuntfu wangasense
- ulilunga leMbutfo Walomphelo Wembutfo Wetekuvikela WeNingizimu Afrika nawusebta umsebenti wekuvikela iNingizimu Afrika ngekwemibandzela yasigaba 1 seMtsetfo Wetekuvikela, 1957
- ulilunga leLuphiko Lwemaphoyisa AseNingizimu Afrika usasebenta umsebenti wekuvikela iNingizimu Afrika ngekwemibandzela yeMtsetfo Wetekuvikela, wanga-1957
- usisebenti lesingasebenti ngaphansi kwelulawulo lwemcashi, sibonelo, umuntfu losebenta ngaphasi kwalomumye ngekontileka. Tisebenti leticashwe ngumuntfu losebenta ngaphasi kwalomunye ngekontileka tiyancephetelwa
- umuntfu lotisebentako lobambisene nalabanye
- sisebenti lebesisebenta ngaphandle kweNingizimu Afrika ngetulu kwetinyanga letili-12 ngaphandle kwekwenta sivumelwane neMcondzisi Jikelele weLitiko Letetisebenti
- utfolakele unelicala lekungatiphatsi kahle, ngaphandle nangabe ukhubateke kabi nome ubulewe.
Caphela: Nangabe wena njengesisebenti, uyafa ubulawa sifo lesiphatselene naloku noma uyalimala, bomondliwa bakho bangafaka sicelo sekuncephetelwa ngulesikhwama sesincephetelo.
Tinzuzo tesincephetelo angeke tikhokhelwe nangabe:
- ingoti uyibike kumcashi sekuphele tinyanga letili-12 ngemuva kwengoti nome kufa, nome ngemuva kutfolakele kugula
- awukho emsebentini emalanga lamatsatfu nome ngaphasi, ngesikhatsi leSikhwama sitawukhokhela kwelashwa kuphela
- ingoti lotibangele yona wena ngekwakho kubangelwe budlabha bakho nome kungenti tintfo ngendlela lefanele (ngaphandle nangabe ukhubateke ngalokucakile nome uyashona kuleyo ngoti, nangabe kunjalo-ke leSikhwama sitawukhokha sincephetelo)
- wala ngalokungabhadli noma uyekele kunatsa imitsi yakho.
Tfola kabanti mayelana nekufaka sicelo sekukhokhelwa setincephetelo mayelana nekulimala emsebentini nome kutfola kugula usemsebentini nome tsintsa Sikhwama Sesincephetelo.
