Nangabe uyalimala, nanyana ungenwa bulwele nanyana uyahlongakala lokha nawusebenzako, wena nanyana obatlhogomelako bangatleyima esiKhwameni seenLiliso.
Isikhwama sibhadalela isililiso kubaqatjhi abaqatjhwe safuthi, abasebenza amatorhwana, ababandulwako kanye nabasafundela umsebenzi abalimeleko nanyana abangenwe bulwele lokha nabebasebenza bese balboa umrholo ngesimanga salokho.
Ungatleyima nangabe:
- uqatjhwe safuthi
- umsebenzi wemakhwitjhini ohlala khona nanyana oqatjhwe ebhizinisini
- umumuntu osafundela umsebenzi nanyana usisebenzi samaplasi esibandulwako
- usisebenzi esibhadalwa yi-ejensi yomsebenzi.
Angeze wakghona ukutleyima nangabe u:
- umsebenzi wemakhwitjhini oqatjhwe endlini yangasese
- ulilunga lasafuthi lamaJoni we- South African National Defence Force lokha nawusasebenza kwezokuvikela eRiphabliki ngokutjho kwesiGaba 1 somThetho wezokuVikela ka-1957
- Nawulilunga lemiSebenzi yamaPholisa eSewula Afrika lokha nawusasebenza kwezokuvikela eRiphabliki ngokutjho kwesiGaba 1 somThetho wezokuVikela ka-1957
- umsebenzi ongasebenzi ngaphasi kwelawulo lomqatjhi isibonelo uyikontraga engaphasi.abaqatjhi abaqatjhwe kumakontraga angaphasi bayakhavarwa
- umnikazi webhizinisi engeyomuntu oyedwa
- umsebenzi obekasebenza eenarheni zangaphandle kweSewula Afrika iinyanga ezidlula ezili-12 ngaphandle kwesivumelwano abasenza nomNqophisi Mazombe womNyango wemiSebenzi
- Utholwe unomlandu nanyana weqe umthetho ngabomu, ngaphandle kwalokha nangabe ukhubazeke kwamambala nanyana ubulewe.
Tjheja: Nangabe wena, njengomqatjhi, uhlongakala ngesimanga sobulwele nanyana ukulimalela emsebenzini, obatlhogomelako bangatleyima kusikhwama
Amarhubhelo weenliliso angeze abhadalwa nangabe:
- ubike ingozi leyo kumqatjhi sekudlule iinyanga ezili-12 ngemva kokuthola ingozi nanyana ukuhlongakala, nanyana ngemva kobana utholwe unobulwele
- awukho emsebenzini amalanga amathathu nanyana angaphasi, lokha isiKhwama nasizakubhadala kwaphela iinhlahla
- ingozi yenzeke ngesimanga sokungakhathali kwakho nanyana lokho ongakakwenzi ngendlela efaneleko (ngaphandle kwalokha nangabe ukhubazeke kwamambala nanyana uhlongakele kileyongozi, nakunjalo isiKhwama sizakuragela phambili sibhadale isililiso)
- Wena ngesimanga sokungazazi kwakho walile nanyana ngabomu uziliselele wangayi ukobana uyokulatjhwa.
Thola okunengi mayelana nokutleyimela ukulimalela emsebenzini nanyana amalwele abangelwe msebenzi nanyana uthintane nesiKhwama seenLiliso.
