Mpfuxeto wa layisense ya vuchayeri

Hi mayelana na ku pfuxeta layisense ya wena ya movha

U fanele ku pfuxeta layisense ya wena ya movha lembe rin’wana na rin’wana yi nga ri hela. Loko u tsandzeka ku pfuxeta layisense ya wena, u ta boheka ku hakela mindziho yo hlwela ku hakela layisense na mali yo salela endzhaku.

kuma 21 masiku ya ntwelavusiwana loko nga kotangi ku pfuxeta layisense ya wena ya movha loko yi herile. Masiku ya ntwelavusiwana ya hlayeriwa ku suka eka siku leri layisense ya disiki ya sweswi yi helaka ha rona. U fanele ku pfuxeta layisense ya wena ya movha eka hofisi yo rhijisitara ya wena leyi nga fanela kumbe eka poso yo karhi leyi nga kusuhi na ndhawu ya wena.

Ku pfuxeta layisense ya wena kambirhi hi lembe:

Tibazi ti fanele ku pfuxeta tidisiki ta tilayisense ta tona hi tsevu wa tin’hweti tin’wana na tin’wana hikokwalaho ka ku tiyisisa ka ku lulamela ka tona ku famba epatwini leswi swi helaka hi tsevu (6) wa tin’hweti ntsena.

Leswi u faneleke ku swi endla

1. Loko movha wa wena wu tirhisiwa ku va xifambo xa mani na mani kumbe movha wo rhwala nhundzu yo tika, ku tiyisisa ka ku lulamela ku famba epatwini ka movha swi fanele ku endliwa. Loko swi nga ri tano, layisense na disiki ya setifikheti yo va movha wu lulamerile ku famba epatwini a yi nga pirintiwi.
2. Yana eka hofisi yo rhijisitara ya le kusuhi na wena kumbe tiposo leti hlawuriweke na ku va u ya na leswi landzelaka hi munhu un’we:
   • pasi ra wena
   • xitiviso xo pfuxeta layisense ya movha (MVL2). Loko u nga ri na xona xitiviso xo pfuxeta, tata tifomo ta ALV (Xikombelo xa Layisense ya Movha).
3. Mihlangano:
   • setifikheti ya bindzu ra nhlangano
   • pasi ra muyimeri
   • papila ra muyimeri
   • xitiviso xo pfuxeta layisense ya movha (MVL2). Loko u nga ri na xitiviso xo pfuxeta, tata fomo ya ALV (Xikombelo xa Layisense ya Movha).
4. Hakela mali yo karhi yo kambela layisense eka xitiviso.

Leswi u faneleke ku swi endla

Xikombelo xi endliwa hi siku rero.

Tifomo leti tatiwaka

Fomo ya ALV (Xikombelo xa Layisense ya Movha) ya kumeka eka hofisi yo rhijisitara yin’wana na yin’wana kumbe poso leyi hlawuriweke kumbe ku suka webusayiti ya eNaTIS.

Vuxokoxoko bya vutihlanganisi