Kuvuselelwa kwelayisensi yemoti

Nge kuvuselela ilayisensi yemoto yakho

Kufanele uvuselele ilayisensi yemoto yakho njalo kanye ngemnyaka isengakaphelelwa sikhatsi. Uma ungakwenti loko kutofuna ukhiphe inhlawulo yekuvuselela sekwendlule sikhatsi.

Utfola sikhatsi semusa lesimalanga lamashumi  lamabili nakunye uma ungakayivuseleli ilayisensi yemoto yakho. Lesikhatsi semusa sibalwa kusukela kuphela sikhatsi selayisensi yakho loyisebentisako. Kufanele uvuselele ilayisensi yakho endzaweni lebekiwe noma emaposini lakhetsekile ngalapho uhlala ngakhona.

Labavuselela ilayisensi yemoto kabili ngemnyaka:

Emabhasi kufanele avuselele ilayisensi yawo njalo ngetinyanga letisitfupha; loko kwentiwa ngulesitifiketi sekufaneleka kuba semgwacweni lesisebenta tinyanga letisistfupha kuphela.

Yini lekumele uyente

1. Uma imoto yakho isetjentiselwa kuhambisa sive, noma iyimoto letfwala lokusindzako sitifiketi sekufaneleka kuba semgwacweni kufanele sentiwe. Uma ungasenti, ilayisensi yemoto angeke uyitfole.
2. Hamba uye endzaweni yekubhalisa lebekiwe leseceleni nawe noma emaposini lakhetsekile, uphatse letintfo letilandzelako umuntfu ayedvwa:
   • umatisi wakho(ID)
   • satiso sekuvuselela ilayisensi yemoto (MVL2) uma ungenaso satiso gcwalisa lifomu ALV (lifomu lekucela ilayisensi yemoto).
3. Emabhizinisi:
   • sitifiketi selibhizinisi lakho
   • umatisi walonemandla ekumela libhizinisi
   • incwadzi yekuniketwa emandla ekumela libhizinisi
   • satiso sekuvuselela ilayisensi yemoto (MVL2). uma ungenaso satiso gcwalisa lifomu ALV (lifomu lekucela ilayisensi yemoto).
4. Bhadala imali lebekiwe etatisweni.

Sikhatsi semsebenti

Sicelo sentiwa ngelilanga linye.

Ngabe kubita malini

Tfola ehhovisi lakho lekubhalisela imvume lendzawo kutsi malini.

Emafomu lagcwaliswako

Lifomu ALV (lifomu lekucela ilayisensi yemoto) Litfolakala endzaweni lebekiwe yekubhalisa noma emaposini lakhetsekile, noma ungalitfola ku e-NaTIS website.

Ngubani longamutsintsa