Mvusuludzo ya ?aisentsi ya goloi

Ngaha na u vusulusa muthelo wa tshiendedzi tshavho

Vha fanela u vusulusa muthelo wa tshiendedzi tshavho ṅwaha muṅwe na muṅwe musi u sa athu u fhelelwa nga tshifhinga. Arali vha sa vusulusa muthelo wa tshiendedzi tshavho, vha ḓo fanela u badela ndaṱiso ya muthelo na malengelenge.

Vha wana maḓuvha a 21 a tshilidzi arali vha sa athu u vusulusa muthelo wa tshiendedzi wo fhelaho. Maḓuvha a tshilidzi a vhaliwa u bva ḓuvha ḽe muthelo wa fhela wa disiki ya muthelo ya zwino. Vha fanela u vusulusa muthelo wavho kha ofisi dza vha maanḓalanga dzo ṅwaliswaho kana poswo dzo nanguludzwaho dzi re kha vhupo vhune vha wela khaho.

U vusuluswa ha muthelo ha Luvhili nga ṅwaha (Bi-annual):

Dzibisi dzi kombetshedzwa u vusulusa muthelo miṅwedzi ya rathi miṅwe na miṅwenga mulandu wa ṱhanziela dzadzo dza u tendelwa u tshimbila badani dzine dza shuma miṅwedzi ya rathi (6) fhedzi.

Zwine vha tea u ita

1. Arali tshiendedzi tshavho tshi tshi shumiswa sa tshiendedzi tsha nnyi na nnyi kana tshi tshiendedzi tsha u hwala mihwalo i lemelaho, hu fanela u itwa ṱhanziela ya u tshimbila badani. Arali zwi songo ralo, muthelo na disiki ya ṱhanziela ya u tendelwa u tshimbila badani a zwi nga gandisi.
2. Kha vha ye kha vha maanḓalanga vha tsini kana poswo dzo nanguludzwaho nahone vha ṱuwe na zwi tevhelaho muthu zwawe:
   • liṅwalo ḽavho ḽa vhuṋe
   • nḓivhadzo ya u vusulusa muthelo wa tshiendedzi (MVL2). Arali vha si na nḓivhadzo ya u vusulusa, vha ḓadze fomo ya ALV (Khumbelo ya Muthelo wa Tshiendedzi).
3. Dzangano:
   • thanziela ya bindu ya Dzangano
   • liṅwalo ḽa vhuṋe ḽa muimeli
   • luṅwalo lwa muimeli
   • nḓivhadzo ya u vusulusa muthelo (MVL2). Arali vha si na nḓivhadzo ya u vusulusa, vha ḓadze fomo ya ALV (Khumbelo ya Muthelo wa Tshiendedzi).
4. Vha badele mbadelo ya u asesa yo randelwaho kha nḓivhadzo.

Tshifhingambekanywa

Khumbelo i tshimbidzwa nga ḽeneḽo ḓuvha.

Zwi ita vhugai

Kha vha kwame ofisi yavho yapo ya ḽaisentsi u vhudzisa mutengo.

Fomo dzi no tea u ḓadzwa

Fomo ya ALV (Khumbelo ya Muthelo wa Tshiendedzi) i wanala kha vha maanḓalanga vho ṅwaliswaho kana poswo dzo nanguludzwaho kana vha nga i bvisa kha webusaithi ya eNaTIS.

Vha kwama inyi