Go kwadisa legae la tlhokomelo ya bana

Ka ga go kwadisa Mokgatlo o o sa direng Morokotso

Fa mokgatlo wa gago e se o o dirang morokotso e bile e se karolo ya puso, o ka dira kopo ya kwadiso. O ka romela kopo ya gago ya mokgatlo o o sa direng morokotso (NPO) kwa kantorong e e gaufi nao ya Tlhabololo ya Loago ya Porofense.

Kwadisa mokgatlo wa wa gago gore o amogelege mo matlhong a baborogi.

DiNPO di akaretsa diterasete, ditlamo le mekgatlo e mengwe ya batho e e tlhometsweng baagi.

Go kwadisa NPO ya gago go botlhokwa gonne setifikeiti sa teng se:

• 
  tokafatsa seriti sa gago le tšhono ya go bona thuso ya matlole.
• 
  letla mokgatlo wa gago go bula akhaonto ya banka
• 
  thusa mokgatlo wa gago ka dipoelo tsa lekgetho.

Go kwadisa, o tshwanetse go bo o le nngwe ya tse di latelang:

• 
  Mekgatlo  e seng ya Puso (NGO)
• 
  Mekgatlo ya Setšhaba (CBO)
• 
  Mekgatlo ya Sedumedi (FBO)

Se o tshwanetseng go se dira

• 
  Tlatsa foromo ya kopo ya NPO NPO application form mme o e ise kwa kantorong e e gaufi nao ya Tlhabololo ya Loago ya Porofense.
• 
  Isa foromo e e tladitsweng ya NPO mmogo le dikhopi tse pedi tsa ditlankana tsa motheo tsa mokgatlo.
  • 
    Terasete – Tetla ya Terasete le lekwalo la tumelelo go tswa kwa kgotlatshekelo
  • 
    Karolo 21 – Setifikeiti sa momaganyo le memorantamo le dikarolo tsa kamano
  • 
    Kamano ka go Itlhophela – Molaotheo

• 
  Ditlankana tsa motheo tsa NPO di tshwanetse go nna le ditlamelo tsa Karolo 12 (A-O) tsa Molao wa Mekgatlo e e sa Direng Morokotso kgotsa Nonprofit Organisations Act, 1997. Fa o retelelwa ke go dira jalo, kopo ya gago e tla ganwa.
• 
  Fa o sa kgotsofalela go ganwa kgotsa go phimolwa ga setifikeiti sa mokgatlo wa gago, o ka dira boikuelo go setlhopha sa batsereganyi.
• 
  Fa mokgatlo wa gago o sena go kwadisiwa, o solofelwa go isa pegelo ya ngwaga dikgwedi di le robongwe morago ga ngwaga wa ona wa ditšhelete o sena go fela. Pegelo ya ngwaga e tshwanetse go nna le pegelo ka tlhaloso le pegelo ya matlole.
• 
  O ka isa kopo ya gago kwa kantorong e e gaufi nao ya Tlhabololo ya Loago ya Porofense kgotsa ka poso go:

The Directorate

Non-profit organisations

Department of Social Development

Private Bag X901

Pretoria

0001

Kgotsa ka seatla go:

Department of Social Development

134 Pretorius Street

HSRC Building

Pretoria

Ela tlhoko:

• 
  Ke tlolomolao gore mokgatlo o dire e kete o kwadisitswe jaaka NPO.
• 
  Mafapha a a farologaneng a puso a rebola thuso ya matlole go ditirelo tse di farologaneng.

Nako ya tiragatso

• 
  Go ka tsaya bokana ka dikgwedi tse pedi go diragatsa kwadiso yotlhe.
• 
  Fa kopo ya gago e setse e amogetswe, lefapha le tla go romelela lekwalo la go amogela, morago ga moo setifikeiti sa kwadiso se tla rebolwa fa kopo ya gago e fitlhelela ditlhoko tsa Molao wa Mekgatlo e e sa Direng Morokotso, 1997.

Tuelo ke bokae

Tirelo e ke mahala.

 

Diforomo tse di tladiwang

(Diforomo di tla rebolwa ka mokgwa wa PDF. Go bula ditlankana tsa PDF, o tlhoka go nna le Adobe Acrobat Reader 4 kgotsa e e kwa godimo mo khompiuteng ya gago.)

Kopo ya kwadiso ya Mokgatlo o o sa direng morokotso

O ka golagana le mang

Department of Social Development provincial offices contact list.