Go ngwadisa legae la bana

Mabapi le go ngwadiša mokgahlo wa go se šomele go dira lešokotšo

Ge e le gore mokgahlo wa geno ke wa go se šomele go dira lešokotšo (NPO) gomme ga se karolo ya mmušo, o ka dira kgopelo ya gore o ngwadišwe. O ka romela kgopelo ya gago ofising ya kgauswi le wena ya Tlhabollo ya Leago mo profenseng ya geno.

Ngwadiša mokgahlo wa geno gore o be wa go hlophiwa ke batho ba ba ka o thekgago ka mašeleng.

Di-NPO di akaretša ditraste, dikhamphani goba mekgahlo ye mengwe ye e hlamilwego ka nepo ya go thuša setšhaba.

Go ngwadiša NPO ya lena go a thuša ka gobane setifikeiti sa yona se:

• 
  kaonafatša maemo a mokgahlo wa lena le go le kgontšha go thekgwa ka mašeleng.
• 
  Thuša mokgahlo go bula akhaonte ya panka
• 
  thuša mokgahlo wa geno go boloka tšhelete ya motšhelo.

Gore o kgone go ngwadišwa, mokgahlo e swanetše go ba wo mongwe wa ye:

• 
  Non-Governmental Organisations (NGO)
• 
  Community-Based Organisations (CBO)
• 
  Faith-Based Organisations (FBO)

Seo o swanetšego go se dira

• 
  Tlatša Fomo ya go ngwadiša NPO gomme o e romele ofising ya kgauswi le wena ya Tlhabollo ya Leago mo profenseng ya geno.
• 
  Romela fomo ya kgopelo le dikhopi tše pedi tša setatamente sa go thomiša mošomo sa mokgahlo wa lena.
  • 
    Traste – ‘Deeds of trust’ le lengwalo la tumello go tšwa go kgorotsheko
  • 
    Section 21 – Sethifikeiti sa ngwadišo le memorantamo le diathekele tša tlhongo
  • 
    Mokgahlo wa Boithaoipo – Molaotheo

• 
  Ditokumente tša tlhongo tša NPO di swanetše go ba le dinyakwa tša Karolo 12 (A-O) ya molao wa go bitšwa Nonprofit Organisations Act, 1997. Ge o ka palelwa go dira bjalo, kgopelo ya gago e ka se atlege.
• 
  Ge o sa kgotsofatšwe ke go se atlege ga go ngwadišwa ga mokgahlo wa lena goba go phumulwa ga setifikeiti sa mokgahlo wa lena, le ka dira boipiletšo go komiti ya banamodi.
• 
  Morago ga gore o ngwadišwe, mokgahlo wa lena o tlo swanela ke go romela pego ya wona ya ngwaga ka ngwaga dikgwedi tše senyane morago ga kgwedi ya wona ya mafelelo ya ditšhelete. Pego ya ngwaga e swanetše go ba le pegotlhalošo le pego ya matlotlo.
• 
  O ka romela kgopelo ofising ya kgauswi le wena ya Tlhabollo ya Leago mo profonseng ya geno goba o ka romela kgopelo yeo ka poso go:

The Directorate

Non-profit organisations

Department of Social Development

Private Bag X901

Pretoria

0001

Goba ka letsogo go:

Department of Social Development

134 Pretorius Street

HSRC Building

Pretoria

Hlokomela:

• 
  Ke molato wo mogolo gore mokgahlo o šoma mo nkego ke NPO ye e ngwadišitšwego mola o se o ngwadišwe.
• 
  Dikgoro tša go fapana tša mmušo dif a thekgo ya mašeleng malebana le ditirelo tša go fapan.

Lebaka

• 
  Go ka tšea dikgwedi tše pedi go ngwadiša mokgahlo wa lena.
• 
  Morago ga gore kgopelo e amogelwe, kgoro e tlo le romela lengwalo la bohlatse gomme ka morago ya ntšha setifikeiti sa boingwadišo, ge mokgahlo wa lena o kgotsofatša dinyakwa go ya ka Molao wa mekgahlo ye e sa šomelego go dira lešokotšo (Nonprofit Organisations Act), 1997.

E dira tshenyagelo ya bokae

Tirelo ye ga e lefelwe.

Diforomo tšeo di swanetšwego go tlatšwa

(Mangwalo a fiwa ka tsela ya PDF, go bula mangwalo a PDF o swanetše o be le Adobe Acrobat Reader 4 go ba godingwana e tsentšhitšwego khomphutareng ya gago.)

Kgopelo ya go ngwadiša mokgahlo wo o sa šomelego go dira lešokotšo (NPO)

Dintlha tša boikopanyo

Department of Social Development provincial offices contact list.