Ho ngodisa lehae la tlhokomelo ya bana

Mabapi le ho ngodiswa ha Mokgatlo o sa etseng Diprofiti

Ha mokgatlo wa hao e se o etsang diprofiti athe hape e se le karolo ya mmuso, o ka etsa kopo ya ho e ngodisa. O ka romela kopo ya hao ya mokgatlo o sa etseng diprofiti (Nonprofit organisation - NPO) ofising e haufi le wena ya Provinse ya Ntshetsopele ya Setjhaba.

Ngodisa mokgatlo wa hao ho etsa hore e be o tshepahalang mahlong a bao ba ka thusang ka ditjhelete.

Mekgatlo e sa etseng Diprofiti (di-NPO) e kenyelletsa diterasete, dikhampani kapa di-asoseishene tse ding tsa batho tse theilweng bakeng sa morero wa setjhaba.

Ho ngodisa NPO ya hao ho molemo hobane setifikeiti sa teng:

• 
  se ntlafatsa ho tshepahala ha hao le menyetla ya ho thuswa ka ditjhelete.
• 
  se dumella mokgatlo wa hao ho bula akhaonte ya banka
• 
  se thusa mokgatlo wa hao ka dikgothaletso tsa lekgetho.

Ditlhoko tsa ngodiso:

Ho ngodisa, o lokela ho ba e nngwe ya tse latelang;

• 
  Mokgatlo o seng tlasa Mmuso (NGO)
• 
  Mokgatlo e Theilweng Setjhabeng (CBO)
• 
  Mokgatlo e Theilweng Bodumeding (FBO)

O lokela ho etsang

• 
  Tlatsa foromo ya kopo ya NPO e be o e romela ofising e haufi le wena ya Provinse ya Ntshetsopele ya Setjhaba.
• 
  Romela foromo ya kopo e tlatsitsweng ya NPO mmoho le dikhopi tse pedi tsa ditokomane tse theileng mokgatlo.
  • 
    Terasete – Deeds of trust le lengolo la tumello ho tswa makgotleng a dinyewe
  • 
    Section 21 – Setifikeiti sa incorporation le memorandamo le articles of association
  • 
    Asoseishene ya Boithaopo – Molao wa Motheo

• 
  Ditokomane tsa ho thehwa ha mokgatlo tsa NPO di lokela ho ba le ditlhophiso tsa Karolo ya 12 (A-O) ya Molao wa Mekgatlo e sa Etseng Diprofiti, 1997. Ha o ka hloleha ho etsa hoo, kopo ya hao e tla hanelwa.
• 
  Ha o sa kgotsofala ka ho hanelwa kapa ho hlakolwa ha setifikeiti sa mokgatlo wa hao o ka etsa boipiletso phaneleng ya banamodi.
• 
  Hang ho ba o ngodiswe, mokgatlo wa hao o lebelletswe ho romela raporoto ya selemo dikgwedi tse robong ka mora ho fela ha selemo sa ona sa ditjhelete. Raporoto ya selemo e lokela ho ba le raporoto e hlalosang maemo le raporoto ya ditjhelete.
• 
  O ka romela kopo ya hao ofising e haufi le wena ya Provinse ya Ntshetsopele ya Setjhaba kapa wa e romela ka e-meile ho:

The Directorate

Non-profit organisations

Department of Social Development

Private Bag X901

Pretoria

0001

kapa wa e romela ka poso ho:

Department of Social Development

134 Pretorius Street

HSRC Building

Pretoria

Ela hloko:

• 
  Ke tlolo ya molao hore mokgatlo o sebetse jwalo ka ha e ka o ngodisitswe ho ba NPO empa ho se jwalo.
• 
  Mafapha a mangata a Mmuso a fana ka dithuso tsa ditjhelete bakeng sa ditshebeletso tse fapaneng.

Nako ya tshebetso

• 
  Ho ka nka nako e ka etsang dikgwedi tse pedi ho sebetsa ngodiso yohle.
• 
  Hang ho ba kopo ya hao e fumanwe, lefapha le tla romela lengolo la kananelo mokgatlong, ka mora moo, ho tla fanwa ka setifikeiti sa ngodiso ha kopo ya hao e fihlela ditlhoko tsa Molao wa Mokgatlo o sa Etseng Diprofiti, 1997.

Ditjeo ke bokae

Tshebeletso ena ke mahala.

Diforomo tse tlatswang

(Diforomo di fuwa ka tsela ya PDF. Ho bula ditokomane tsa PDF o tshwanela o be le Adobe Acrobat Reader 4 kapa hodingwana e kentsweng ho khompyuthara ya hao.)

Kopo ya ngodiso ya mokgatlo o sa etseng Dipoelo

Dintlha tsa ho iteanya

Department of Social Development provincial offices contact list.