Sicelo sekubhalisa likhaya lebantfwana

Ngekubhalisa Inhlangano Lengasebenteli Inzuzo

Uma inhlangano yakho ingasebenteli inzuzo futsi ingesiyo incenye yahulumende, ungafaka sicelo sekubhaliswa. Ungafaka sicelo sakho seNhlangano lengaSebenteli iNzuzo (i-NPO) ehhovisi lelisedvute leLitiko Letekutfutfukiswa kwetenhlalakahle.

Bhalisa inhlangano yakho kute ikholekwe emehlweni ebachasi betimali.

Ema-NPO afaka emathrasti, tinkapani nobe letinye tinhlangano tebantfu letimiselwe inhloso yekusebentela umphakatsi.

 Kubhalisa i-NPO kuyesita ngobe sitifiketi sayo:

• 
  senta ncono kukholekwa kwakho kanye nematfuba kuchaswa ngetimali.
• 
  sivumela inhlangano kutsi ivule i-akhawunti yasebhange
• 
  sisita inhlangano yakho ngetinzuzo tentsela.

Kubhalisa, kumele ube ngukunye kwaloku lokulandzelako:

• 
  Tinhlangano Letingekho Ngaphasi Kwahulumende (i-NGO)
• 
  Tinhlangano Letitinte Emphakatsini (i-CBO)
• 
  Tinhlangano Tetenkholo (i-FBO)

Yini lekumele uyente

• 
  Gcwalisa lifomu lesicelo le-NPO bese uliyisa ehhovisi Letekutfutfukiswa Kwetenhlalakahle leSifundza lelisedvute nawe.
• 
  Faka lelifomu lesicelo le-NPO leligcwalisiwe sikanye nemakhophi lamabili emiculu yekutfolwa kwenkapani.
  • 
    Ithrasti - Tincwadzi tethrasti kanye nencwadzi yemvumo letfolakala etinkantolo
  • 
    Sigaba 21 - Sitifiketi sekuhlangana nalenye inkapani kanye nememorandamu kanye nema-athikili ekuhlakangana
  • 
    Kuhlangana Ngekutikhetsela - Umtsetfosisekelo

• 
  Imiculu yekusungulwa kwe-NPO kumele ibe nemibandzela yeSigaba 12 (A-O) seMtsetfo Wetinhlangano Letingasebenteli inzuzo, 1997. Uma wehluleka kwenta loko, sicelo sakho sitawucitfwa.
• 
  Uma ungenetiseki ngekucitfwa nobe ngekwesulwa kwesitifiketi senhlangano yakho, ungafaka sikhalo kuphaneli yebalamuli.
• 
  Uma seyibhalisiwe, inhlangano kulindzeleke kwekutsi ifake umbiko wemnyaka etinyangeni letiyimfica tekuphela kwemnyakatimali wayo. Umbiko wemnyaka kumele ukacatse umbiko lolandzisako kanye nembiko wetetimali.
• 
  Ungafaka sicelo sakho ehhovisi Lelitiko Letekutfutfukiswa Kwetenhlalakahle leSifundza lelisedvute nawe nobe litfumele ngemeyila ku:

The DirectorateNon-Profit Organisations

Department of Social Development

Private Bag X901

Pretora

0001

nobe tfumela ngeliposi:

Litiko Letekutfutfukiswa Kwetenhlalakahle

134 Pretorius Street

HSRC Building

Pitoli

Khumbula:

• 
  Kulicala kutsi inhlangano isebente njengenhlangano ye-NPO lebhalisiwe.
• 
  Ematiko Ahulumende lahlukahlukene anikete tinsita tekuchasa letahlukahlukene.

Sikhatsi semsebenti

• 
  Kungenteka kutsatse cishe tinyanga letimbili kusebenta ngayo yonkhe lenchubo yekubhalisa.
• 
  Uma ngabe sicelo sakho sesitfoliwe, litiko litakwetfumela incwadzi yekwamukela kunhlangano, emva kwaloko, kutawukhishwa sitifiketi sekubhaliswa uma ngabe sicelo sakho sihlangabetana netidzingo teMtsetfo Wetinhlangano Letingasebenteli inzuzo, 1997.

Ngabe kubita malini

Lolusito lwamahhala.

Emafomu lagcwaliswako

(Emafomu aniketwa ngeluhlelo lwe-PDF. Kuvula imiculu ye-PDF, kudzingakala kutsi ube ne-Adobe Acrobat Reader 4 nobe ngetulu lefakwe kukhompuyutha yakho.)

Sicelo sekubhalisa inhlangano lengasebenteli inzuzo

Ngubani longamutsintsa

Department of Social Development provincial offices contact list.