Khumbelo ya u ?walisa haya ha vhana

Nga ha u ṅwalisa dzangano ḽi si ḽa mbuelo

Arali dzangano ḽavho ḽi si ḽa mbuelo na u sa vha tshipiḓa tsha muvhuso, vha nga ita khumbelo ya u ḓinwalisa. Vha nga ṋetshedza khumbelo yavho ya dzangano ḽi si ḽa Mbuelo ‘Nonprofit organisation’ (NPO) kha ofisi ya tsinisa na ha havho ya Mveledziso ya Matshilisano ya Vundu.

Kha vha ṅwalise dzangano ḽavho u itela uri ḽi vhonale zwavhuḓi kha maṱo a vhalambedzi.

NPO dzi katela tshikwama tsha ndiliso, khaphani, na maṅwe madzangano a vhathu o thomiwaho zwi tshi itelwa zwitshavha.

U ṅwalisa NPO zwi na mbuelo ngauri ṱhanziela yayo i:

• 
  khwinisa tshiimo na zwikhala zwa u lambedzwa.
• 
  tendela tshiimiswa tshavho u vula akhauthu ya bannga
• 
  tshiimiswa kha mbuelo ya muthelo.

U ḓiṅwalisa, vha fanela u vha tshithihi tsha zwitevhelaho;

• 
  Tshiimiswa tshi si tsha Muvhuso ‘Non-Governmental Organisations’ (NGO)
• 
  Tshiimiswa tsha Tshitshavha ‘Community-Based Organisations’ (CBO)
• 
  Tshiimiswa Zwa Lutendo ‘Faith-Based Organisations’ (FBO)

Zwine vha tea u ita

• 
  ha vha ḓadze Fomo ya khumbelo ya NPO  na u i ṋetshedza kha ofisi ya tsinisa na ha havho ya Mveledziso ya Matshilisano ya Vundu.
• 
  Kha vha ṋetshedze fomo yo ḓadziwaho ya khumbelo ya NPO khathihi na khophi mbili dza maṅwalo a ndambedzo a tshiimiswa.
  • 
    Tshikwama – Vhuṋe ha tshikwama na luṅwalo lwa thendelo lu bvaho khothe
  • 
    Tshipiḓa tsha vhu 21 – Ṱhanziela ya ṱhanganelano na memorandamu na athikhiḽi dza dzangano/mbumbano
  • 
    Mbumbano ya u tou funa – Ndayotewa

• 
  Ma u tumbulwa ha NPO a fanela u vha na mbetshelo dza Tshipiḓa tsha vhu 12 (A-O) dza Mulayo wa Zwiimiswa zwi si zwa Mbuelo wa 1997. Arali vha kundelwa u ita izwo khumbelo yavho i ḓo hanelwa.
• 
  Musi tsho no ṅwaliswa, tshiimiswa tshavho tshi lavhelelwa u ṋetshedza muvhigo wa ṅwaha nga murahu ha miṅwedzi ya ṱahe musi ṅwaha wa muvhalelano wo fhela. Muvhigo wa ṅwaha u fanela u vha na muvhigo wa u tou ṱalutshedza na muvhigo wa zwa masheleni.
• 
  Vha nga ṋetshedza khumbelo yavho kha ofisi ya Mveledziso ya Matshilisano ya Vundu ya tsini na ha havho kana vha tou u i rumela nga poso kha:

The directorate

Non-profit organizations

Department of Social Development

Private Bag x901

Pretoria

0001

Kana vha tou i isa nga tshanḓa:

Department of Social Development

134 Pretorius Street

HSRC Building

Pretoria

Kha vha dzhiele nṱha:

• 
  Zwi na mulandu uri tshiimiswa tshi shume nga fhasi ha u ḓiita u nga tsho ṅwaliswa na NPO.
• 
  Mihasho yo fhambanaho i ṋetshedza ndambedzo ya tshumelo dzo fhambanaho.

Tshifhingambekanywa

• 
  Zwi nga dzhia tshifhinga tshi linganaho miṅwedzi mivhili u tshimbidza u ṅwaliswa hoṱhe
• 
  Musi khumbelo yavho yo no ṱanganedzwa, muhasho u ḓo rumela phindulo nga ha u ṱanganedzwa ha luṅwalo lwa tshiimiswa, nga murahu ha izwo, ṱhanziela ya u ḓinwalisa i ḓo ṋetshedzwa arali khumbelo yavho i tshi swikelela ṱhodea dza Mulayo wa Tshiimiswa tshi si tsha Mbuelo wa 1997.

Zwi ita vhugai

Tshumelo ndi ya mahala

Fomo dzi no tea u ḓadzwa

(Fomo dzi a wanalea nga fomathi ya PDF. Vha tea u vha na Adobe Acrobat Reader 4 kana ya ntha ha 4 kha computer yavho uri vha kone u vula dokhumenthe dza PDF.)

Khumbelo ya u ḓinwalisa ya tshiimiswa tshi si tsha Mbuelo

Vha kwama inyi

Department of Social Development provincial offices contact list.